1677۔ اردو حاشیہ: چونکہ وتر رسول اللہ صلی اللہ علیہ وسلم کی سنت ہے جسے آپ نے کبھی ترک نہیں کیا، لہٰذا اسے بلاعذر ترک کرنا درست نہیں۔

وتر کا حکم ۔
اس کے حکم میں علماء نے اختلاف کیا ہے۔
(جمہور، احمدؒ، شافعیؒ، مالکؒ) وتر واجب نہیں ہے بلکہ سنت موکدہ ہے۔
(ابو حنیفہؒ) وتر واجب ہے (امام ابو حنیفہؒ سے یہ بھی روایت کیا گیا ہے کہ وتر فرض ہے)۔
[الأم: 257/1، بدائع الصنائع: 270/1، المغنى: 578/2، الهداية: 65/1، نيل الأوطار: 238/2]
(راجح) وتر سنت موکدہ ہے واجب نہیں ہے۔
(شوکانیؒ) عدم وجوب کے قائل ہیں۔ [نيل الأوطار: 238/2]
(عبد الرحمن مبارکپوریؒ) اس کو ترجیح دیتے ہیں۔ [تحفة الأحوذى: 554/2]
(ابن قدامهؒ) وترسنت موکدہ ہے۔ [المغنى: 595/2]
(ابن حزمؒ) وتر فرض نہیں۔ [المحلى بالآثار: 92/2]
(امیر صنعانیؒ) اسی کے قائل ہیں۔ [سبل السلام: 529/2]
(صدیق حسن خانؒ) وتر سنت موکدہ ہے۔ [الروضة الندية: 300/1]
ان کے دلائل حسب ذیل ہیں:
➊ حضرت علی رضی اللہ عنہ سے مروی ہے کہ «ليس الوتر بحتم كهيئة المكتوبة ولكن سنة سنها رسول الله» ”وتر فرضوں کی طرح حتمی و لازمی نہیں ہے بلکہ سنت ہے جسے رسول اللہ صلی اللہ علیہ وسلم نے مقرر فرمایا ہے۔“
[صحيح: صحيح الترغيب: 590، ترمذي: 453 - 454، كتاب الصلاة: باب ما جاء أن الوترليس بحتم، نسائى: 228/3، أبو داود: 1416، ابن ماجة: 1169، ابن خزيمة: 1067، شيخ محمد صجی حسن طلاق نے اسے صحيح كها هے۔ التعليق على سبل السلام: 28/3]
➋ جس حدیث میں ہے «الوتر حق فمن لم يوتر فليس منا» ”وتر حق ہے لٰہذا جس نے وتر نہ پڑھا وہ ہم میں سے نہیں۔“ وہ ضعیف ہے۔
[ضعيف: إرواء الغليل: 417، أبو داود: 1419، كتاب الصلاة: باب فيمن لم يوتر، أحمد: 357/5، حاكم: 305/1، بيهقي: 470/2]
، حافظ ابن حجرؒ نے اسے ضعیف کہا ہے۔ تلخیص الحبیر: 20/2، امام زیلعیؒ نے بھی اسے ضعیف کہا ہے۔ [نصب الراية: 112/2]