اردو حاشہ:
(1) اس روایت سے (سابقہ روایات کے برعکس) یہ ثابت ہوتا ہے کہ حضرت ابراہیم نخعی کا مسلک عام نشہ آور شراب کے بارے میں عام احناف والا تھا کہ اسے نشے سے کم کم پیناجائز ہے مگر یاد رہے کہ اس روایت کے ناقل وہی ابن شبر مہ ہیں جنھوں نے حضرت ابن عباس رضی اللہ عنہما سے بھی اسی مفہوم کی روایت بیان کی ہے۔ (دیکھیے، روایت: 5689) جسے امام نسائی رحمہ اللہ رحمہ الله نے ضعیف قرار دیا ہے، لہٰذا اس روایت کو بھی معتبر نہیں قرار دیا جا سکتا خصوصاًً جب کہ سختی کرنے والے لوگ صحابہ اور تابعین ہیں۔ اور صحیح احادیث میں بھی ان کے ساتھ ہیں۔ اور اگر حضرت ابراہیم رحمہ اللہ نشہ آور نبیذ کو تھوڑی مقدار میں پینا جائز سمجھتے تھے (جیسا کہ آئندہ روایات سے بھی معلوم ہوتا ہے) تو ان کی بات صحابہ اور جمہور تابعین کے مقابلے میں کوئی حیثیت نہیں رکھتی خصوصاًً جب کہ صحیح احادیث بھی اس قول کے خلاف ہیں۔ تفصیلات گزشتہ احادیث میں ذکر ہو چکی ہیں۔
(2) ”رحم فرمائے۔“ یہ الفاظ بطور افسوس ہیں نہ کہ تحسین کیونکہ حضرت ابن شبرمہ خود ایسے مشرو ب کو جائز نہیں سمجھتے تھے جیسا کہ آگے آ رہا ہے۔ [ديكهيے حديث: 5761]