اور نہ کوئی دلی دوست۔

تو کاش کہ ہمارے لیے واپس جانے کا ایک موقع ہو، توہم مومنوں میں سے ہو جائیں۔

بے شک اس میں یقینا عظیم نشانی ہے اوران کے اکثر ایمان والے نہیں تھے۔

اور بے شک تیرا رب، یقینا وہی سب پر غالب، نہایت رحم والا ہے۔

نوح کی قوم نے رسولوں کو جھٹلایا۔

جب ان سے ان کے بھائی نوح نے کہا کیا تم ڈرتے نہیں؟

بے شک میں تمھارے لیے ایک امانت دار رسول ہوں۔

پس اللہ سے ڈرو اور میرا کہا مانو۔

اور میں اس پر تم سے کسی اجرت کا سوال نہیں کرتا، میری اجرت تو رب العالمین ہی کے ذمے ہے۔

پس اللہ سے ڈرو اور میرا کہا مانو۔

انھوں نے کہا کیا ہم تجھ پر ایمان لے آئیں، حالانکہ تیرے پیچھے وہ لوگ لگے ہیں جوسب سے ذلیل ہیں۔

اس نے کہا اور مجھے کیا علم کہ وہ کیا کرتے رہے ہیں۔

ان کا حساب تو میرے رب ہی کے ذمے ہے، اگر تم سمجھو۔

اور میں ایمان والوں کو کسی صورت نکال دینے والا نہیں ہوں۔

میں نہیں ہوں مگر ایک کھلم کھلا ڈرانے والا۔

انھوں نے کہا اے نوح! یقینا اگر تو باز نہ آیا تو ہر صورت سنگسار کیے گئے لوگوں سے ہوجائے گا۔

اس نے کہا اے میرے رب! بے شک میری قوم نے مجھے جھٹلا دیا۔

پس تو میرے درمیان اور ان کے درمیان فیصلہ کر دے،کھلا فیصلہ اور مجھے اور میرے ساتھ جو ایمان والے ہیں، انھیں بچالے۔

تو ہم نے اسے اور ان کو جو اس کے ساتھ بھری ہوئی کشتی میں تھے، بچا لیا۔

پھر اس کے بعد باقی لوگوں کو غرق کر دیا۔

بے شک اس میں یقینا عظیم نشانی ہے اور ان میں سے اکثر ایمان لانے والے نہیں تھے۔

اور بلاشبہ تیرا رب، یقینا وہی سب پر غالب، نہایت رحم والا ہے۔

عاد نے رسولوں کو جھٹلایا۔

جب ان سے ان کے بھائی ہود نے کہا کیا تم ڈرتے نہیں ہو؟

بے شک میں تمھارے لیے ایک امانت دار رسول ہوں۔

پس اللہ سے ڈرو اور میرا کہا مانو۔

اور میں اس پر تم سے کسی اجرت کا سوال نہیں کرتا، میری اجرت تو رب العالمین ہی کے ذمے ہے۔

کیا تم ہر اونچی جگہ پر ایک یادگار بناتے ہو؟ اس حال میں کہ لاحاصل کام کرتے ہو۔

اور بڑی بڑی عمارتیں بناتے ہو، شاید کہ تم ہمیشہ رہو گے۔

اور جب تم پکڑتے ہو تو بہت بے رحم ہو کر پکڑتے ہو۔

پس اللہ سے ڈرو اور میرا کہا مانو۔

اور اس سے ڈرو جس نے ان چیزوں سے تمھاری مدد کی جنھیں تم جانتے ہو۔

اس نے چوپاؤں اور بیٹوں کے ساتھ تمھاری مدد کی۔

اور باغوں اور چشموں کے ساتھ۔

یقینا میں تم پر ایک بڑے دن کے عذاب سے ڈرتا ہوں۔

انھوں نے کہا ہم پر برابر ہے کہ تو نصیحت کرے، یا نصیحت کرنے والوں میں سے نہ ہو۔

نہیں ہے یہ مگر پہلے لوگوں کی عادت۔

اور ہم قطعاً عذاب دیے جانے والے نہیں۔

پس انھوں نے اسے جھٹلا دیا تو ہم نے انھیں ہلاک کر دیا، بے شک اس میں یقینا عظیم نشانی ہے اور ان کے اکثر ایمان لانے والے نہیں تھے۔

اور بلاشبہ تیرا رب، یقینا وہی سب پر غالب، نہایت رحم والا ہے۔

ثمود نے رسولوں کو جھٹلایا۔

جب ان سے ان کے بھائی صالح نے کہا کیا تم ڈرتے نہیں ہو؟

بے شک میں تمھارے لیے ایک امانت دار رسول ہوں۔

پس اللہ سے ڈرو اور میرا کہا مانو۔

اور میں اس پر تم سے کسی اجرت کا سوال نہیں کرتا، میری اجرت تو رب العالمین ہی کے ذمے ہے۔

کیا تم ان چیزوں میں جو یہاں ہیں، بے خوف چھوڑ دیے جاؤ گے۔

باغوں اور چشموں میں۔

اور کھیتوں اور کھجوروں میں، جن کے خوشے نرم و نازک ہیں۔

اور تم پہاڑوں سے تراش کر گھر بناتے ہو، اس حال میں کہ خوب ماہر ہو۔

پس اللہ سے ڈرو اور میرا کہا مانو۔