اور حد سے بڑھنے والوں کا حکم مت مانو۔

وہ جو زمین میں فساد کرتے ہیں اور اصلاح نہیں کرتے۔

انھوں نے کہا توُ تو انھی لوگوں سے ہے جن پر زبردست جادو کیا گیا ہے۔

تو نہیں ہے مگر ہمارے جیسا ایک آدمی، پس کوئی نشانی لے آ، اگر تو سچوں سے ہے۔

اس نے کہا یہ ایک اونٹنی ہے، اس کے لیے پانی پینے کی ایک باری ہے اور تمھارے لیے ایک مقرر دن کی باری ہے۔

اور اسے کسی برائی سے ہاتھ نہ لگانا، ورنہ تمھیں ایک بڑے دن کا عذاب پکڑلے گا۔

تو انھوں نے اس کی کونچیں کاٹ دیں، پھر پشیمان ہوگئے۔

تو انھیں عذاب نے پکڑ لیا۔ بے شک اس میں یقینا عظیم نشانی ہے اوران کے اکثر ایمان لانے والے نہیں تھے۔

اور بلاشبہ تیرا رب، یقینا وہی سب پر غالب، نہایت رحم والا ہے۔

لوط کی قوم نے رسولوں کو جھٹلایا۔

جب ان کے بھائی لوط نے ان سے کہا کیا تم ڈرتے نہیں ہو؟

بے شک میں تمھارے لیے ایک امانت دار رسول ہوں۔

پس اللہ سے ڈرو اور میرا کہا مانو۔

اور میں اس پر تم سے کسی اجرت کا سوال نہیں کرتا، میری اجرت تو رب العالمین ہی کے ذمے ہے۔

کیا سارے جہانوں میں سے تم مردوں کے پاس آتے ہو۔

اور انھیں چھوڑ دیتے ہو جو تمھارے رب نے تمھارے لیے تمھاری بیویاں پیدا کی ہیں، بلکہ تم حد سے گزرنے والے لوگ ہو۔

انھوں نے کہا اے لوط! بے شک اگر تو باز نہ آیا تو یقینا تو ضرور نکالے ہوئے لوگوں سے ہو جائے گا۔

اس نے کہا بے شک میں تمھارے کام سے سخت دشمنی رکھنے والوں سے ہوں۔

اے میرے رب! مجھے اور میرے گھر والوں کو اس سے نجات دے جو یہ کرتے ہیں۔

تو ہم نے اسے اور اس کے گھر والوں کو نجات دی۔

سوائے ایک بڑھیا کے جو پیچھے رہنے والوں سے تھی۔

پھر ہم نے دوسروں کو ہلاک کر دیا۔

اور ہم نے ان پر بارش برسائی، زبردست بارش۔ پس ان لوگوں کی بارش بری تھی جنھیں ڈرایا گیا تھا۔

بے شک اس میں یقینا ایک نشانی ہے اور ان کے اکثر ایمان والے نہیں تھے۔

اور بلاشبہ تیرا رب، یقینا وہی سب پر غالب، نہایت رحم والا ہے۔

ایکہ والوں نے رسولوں کو جھٹلایا۔

جب ان سے شعیب نے کہا کیا تم ڈرتے نہیں ہو؟

بے شک میں تمھارے لیے ایک امانت دار رسول ہوں۔

پس اللہ سے ڈرو اور میرا کہا مانو۔

اور میں اس پر تم سے کسی اجرت کا سوال نہیں کرتا، میری اجرت تو رب العالمین ہی کے ذمے ہے۔

ماپ پورا دو اور کم دینے والوں میں سے نہ بنو۔

اور سیدھی ترازو کے ساتھ وزن کرو۔

اور لوگوں کو ان کی چیزیں کم نہ دو اور زمین میں فساد کرتے ہوئے دنگا نہ مچاؤ۔

اور اس سے ڈرو جس نے تمھیں اور پہلی مخلوق کو پیدا کیا۔

انھوں نے کہا توُ تو انھی لوگوں سے ہے جن پر زبردست جادو کیا گیا ہے۔

اور تو نہیں ہے مگر ہمارے جیسا ایک بشر اور بے شک ہم تو تجھے جھوٹوں میں سے سمجھتے ہیں۔

سو ہم پر آسمان سے کچھ ٹکڑے گرا دے، اگر تو سچوں میں سے ہے۔

اس نے کہا میرا رب زیادہ جاننے والا ہے جو کچھ تم کر رہے ہو۔

چنانچہ انھوں نے اسے جھٹلا دیا تو انھیں سائبان کے دن والے عذاب نے آپکڑا۔ یقینا وہ بہت بڑے دن کا عذاب تھا۔

بے شک اس میں یقینا ایک نشانی ہے اور ان کے اکثر ایمان والے نہیں تھے۔

اور بلاشبہ تیرا رب، یقینا وہی سب پر غالب، نہایت رحم والا ہے۔

اور بے شک یہ یقینا رب العالمین کا نازل کیا ہوا ہے۔

جسے امانت دار فرشتہ لے کر اترا ہے۔

تیرے دل پر، تاکہ تو ڈرانے والوں سے ہو جائے۔

واضح عربی زبان میں۔

اور بے شک یہ یقینا پہلے لوگوں کی کتابوں میں موجود ہے۔

اورکیا ان کے لیے یہ ایک نشانی نہ تھی کہ اسے بنی اسرائیل کے علماء جانتے ہیں۔

اور اگر ہم اسے غیر عرب لوگوں میں سے کسی پر نازل کرتے۔

پس وہ اسے ان پر پڑھتا تو بھی وہ اس پر ایمان لانے والے نہ ہوتے۔

اسی طرح ہم نے یہ بات مجرموں کے دلوں میں داخل کر دی۔