اللہ تعالیٰ کا یہ ارشاد کہ ”اور اہل کتاب میں سے کوئی ایسا نہ ہو گا جو ان کی موت سے پہلے ان پر ضرور ایمان نہ لے آئے، اور قیامت کے دن وہ ان پر گواہ ہوں گے۔“

اللہ عزوجل کے اس ارشاد کے متعلق کہ ”اے اہل کتاب! اپنے دین میں غلو نہ کرو اور اللہ کی جناب میں حق کے سوا کوئی بات نہ کہو، مسیح عیسیٰ بن مریم تو محض اللہ کے رسول اور اس کا ایک کلمہ ہیں جسے اس نے مریم کی طرف القا فرمایا اور اس کی جانب سے ایک روح ہیں، پس اللہ اور اس کے تمام رسولوں پر ایمان لاؤ اور یہ نہ کہو کہ (خدا) تین ہیں، اس (عقیدے) سے باز آ جاؤ یہی تمہارے حق میں بہتر ہے، اللہ تو صرف ایک ہی معبود ہے، وہ اس سے پاک ہے کہ اس کی کوئی اولاد ہو، جو کچھ آسمانوں میں ہے اور جو کچھ زمین میں ہے سب اسی کی ملکیت ہے اور اللہ ہی بطورِ کارساز کافی ہے۔“

اللہ تعالیٰ کے اس ارشاد کے بارے میں کہ ”لوگ آپ سے فتویٰ طلب کرتے ہیں، آپ فرما دیجیے کہ اللہ تمہیں 'کلالہ' (وہ شخص جس کا نہ باپ ہو نہ اولاد) کے متعلق شرعی حکم دیتا ہے؛ اگر کوئی ایسا شخص فوت ہو جائے جس کی کوئی اولاد نہ ہو اور اس کی ایک بہن ہو تو اس کے لیے اس کے چھوڑے ہوئے مال کا نصف حصہ ہے، اور وہ (بھائی) اس بہن کا وارث ہوگا اگر اس (بہن) کی کوئی اولاد نہ ہو، پھر اگر بہنیں دو ہوں تو ان کے لیے بھائی کے ترکے کا دو تہائی حصہ ہے، اور اگر وہ کئی بہن بھائی ہوں، مرد اور عورتیں دونوں، تو ایک مرد کا حصہ دو عورتوں کے برابر ہوگا، اللہ تمہارے لیے (اپنے احکام) کھول کر بیان فرماتا ہے تاکہ تم بھٹک نہ جاؤ، اور اللہ ہر چیز کا کامل علم رکھنے والا ہے۔“