اللہ تعالیٰ کے اس ارشاد کے بیان میں ”اے ایمان والو! اپنے (باہمی و شرعی) عہد و پیمان کو پورا کرو، تمہارے لیے چوپائے مویشی حلال کر دیے گئے ہیں سوائے ان کے جن (کی حرمت کا حکم) تمہیں پڑھ کر سنایا جائے گا، بشرطیکہ تم حالتِ احرام میں شکار کو حلال نہ سمجھو، بے شک اللہ تعالیٰ جو چاہتا ہے حکم فرماتا ہے۔“

اللہ تعالیٰ کے اس ارشاد کے بیان میں کہ ”اے ایمان والو! تم اللہ کی نشانیوں کی بے حرمتی نہ کرو، اور نہ ہی حرمت والے مہینے کی، اور نہ ہی قربانی کے جانوروں کی، اور نہ ہی ان جانوروں کی جن کے گلے میں (قربانی کی علامت کے طور پر) پٹے ڈالے گئے ہوں، اور نہ ہی ان لوگوں کی جو اپنے رب کے فضل اور اس کی رضا کی تلاش میں بیتِ حرام (خانہ کعبہ) کا قصد کرنے والے ہوں، اور جب تم احرام کھول کر حلال ہو جاؤ تو شکار کر سکتے ہو...“ (۲)

ہے اللہ تعالیٰ کے اس ارشاد کے بارے میں کہ ”تم پر حرام کر دیا گیا ہے مردار، اور خون، اور خنزیر کا گوشت، اور وہ جانور جس پر اللہ کے سوا کسی اور کا نام پکارا گیا ہو، اور وہ جو گلا گھٹنے سے مرا ہو، اور وہ جو چوٹ لگ کر ہلاک ہوا ہو، اور وہ جو بلندی سے گر کر مرا ہو، اور وہ جو کسی دوسرے جانور کے سینگ مارنے سے مرا ہو، اور وہ جسے کسی درندے نے کھایا ہو سوائے اس کے جسے تم نے (مرنے سے پہلے) ذبح کر لیا ہو، اور وہ جو بتوں کے آستانوں پر ذبح کیا گیا ہو، اور یہ کہ تم فال کے تیروں کے ذریعے اپنی قسمت معلوم کرو، یہ سب گناہ کے کام ہیں۔ آج کفار تمہارے دین سے مایوس ہو چکے ہیں، پس تم ان سے نہ ڈرو بلکہ مجھ ہی سے ڈرو۔ آج میں نے تمہارے لیے تمہارا دین مکمل کر دیا، تم پر اپنی نعمت تمام کر دی اور تمہارے لیے اسلام کو بطورِ دین پسند کر لیا۔ پھر جو کوئی بھوک کی شدت میں سخت مجبور ہو جائے بشرطیکہ وہ گناہ کی طرف مائل ہونے والا نہ ہو، تو یقیناً اللہ بہت بخشنے والا، نہایت رحم فرمانے والا ہے۔“

اللہ تعالیٰ کے اس ارشاد کے بیان میں کہ ”آج تمہارے لیے تمام پاکیزہ چیزیں حلال کر دی گئیں، اور ان لوگوں کا کھانا جنہیں کتاب دی گئی تمہارے لیے حلال ہے اور تمہارا کھانا ان کے لیے حلال ہے، اور ایمان والی عورتوں میں سے پاک دامن عورتیں اور ان لوگوں میں سے پاک دامن عورتیں جنہیں تم سے پہلے کتاب دی گئی (تمہارے لیے حلال ہیں) جب تم انہیں ان کے مہر دے دو، اس طرح کہ تم انہیں نکاح میں لانے والے ہو نہ کہ بدکاری کرنے والے اور نہ ہی خفیہ آشنا بنانے والے؛ اور جو شخص ایمان کا انکار کرے تو یقیناً اس کا عمل برباد ہو گیا اور وہ آخرت میں نقصان اٹھانے والوں میں سے ہوگا۔“