(نبی کریم صلی اللہ علیہ وسلم نے فرمایا:)
”جب بنو ابی العاص کی تعداد تیس مردوں تک پہنچ جائے گی، تو وہ اللہ کے بندوں کو اپنا غلام، اللہ کے مال کو اپنی ذاتی جاگیر (جو صرف امیروں میں گردش کرے)، اور اللہ کی کتاب کو دھوکے اور فریب کا ذریعہ بنا لیں گے۔“ [صحيح الجامع الصغير وزيادته/[حرف الألف] -- أد/حدیث: 419]

(نبی کریم صلی اللہ علیہ وسلم نے فرمایا:)
”جب تم (فجر کی اذان میں) «حَيَّ عَلَى الْفَلَاحِ» پر پہنچو تو (اس کے بعد) «الصَّلَاةُ خَيْرٌ مِنَ النَّوْمِ» (نماز نیند سے بہتر ہے) کہو۔“ [صحيح الجامع الصغير وزيادته/[حرف الألف] -- أد/حدیث: 420]

(نبی کریم صلی اللہ علیہ وسلم نے فرمایا:)
”جب (ایک ہی وقت میں) دو خلیفوں کے ہاتھ پر بیعت کر لی جائے، تو ان میں سے بعد والے (دوسرے) کو قتل کر دو۔“ [صحيح الجامع الصغير وزيادته/[حرف الألف] -- أد/حدیث: 421]

(نبی کریم صلی اللہ علیہ وسلم نے فرمایا:)
”جب دو آدمی آپس میں خرید و فروخت کریں تو ان میں سے ہر ایک کو (سودا منسوخ کرنے کا) اختیار حاصل ہے جب تک کہ وہ جدا نہ ہو جائیں اور ایک ساتھ موجود ہوں، یا ان میں سے کوئی ایک دوسرے کو اختیار دے دے۔ پس اگر ایک نے دوسرے کو اختیار دے دیا اور اسی پر انہوں نے بیع کر لی تو بیع لازم ہو گئی۔ اور اگر وہ خرید و فروخت کے بعد جدا ہو گئے اور ان میں سے کسی نے بھی بیع ترک نہیں کی تب بھی بیع لازم ہو گئی۔“ [صحيح الجامع الصغير وزيادته/[حرف الألف] -- أد/حدیث: 422]

(نبی کریم صلی اللہ علیہ وسلم نے فرمایا:)
”جب تم عینہ (سود کی ایک قسم) کی خرید و فروخت کرنے لگو گے، گائیوں کی دمیں پکڑ لو گے (یعنی مال مویشی کے کاموں میں مگن ہو جاؤ گے)، کھیتی باڑی پر راضی ہو جاؤ گے اور جہاد کو چھوڑ دو گے، تو اللہ تعالیٰ تم پر ایسی ذلت مسلط کر دے گا جسے وہ اس وقت تک دور نہیں کرے گا جب تک کہ تم (مکمل طور پر) اپنے دین کی طرف واپس نہ لوٹ آؤ۔“ [صحيح الجامع الصغير وزيادته/[حرف الألف] -- أد/حدیث: 423]

(نبی کریم صلی اللہ علیہ وسلم نے فرمایا:)
”جب تم کسی جنازے کے ساتھ جاؤ تو اس وقت تک مت بیٹھو یہاں تک کہ اسے (زمین پر) رکھ دیا جائے۔“ [صحيح الجامع الصغير وزيادته/[حرف الألف] -- أد/حدیث: 424]

(نبی کریم صلی اللہ علیہ وسلم نے فرمایا:)
”جب تم میں سے کسی کو جمائی آئے تو وہ اسے جہاں تک ہو سکے روکے، کیونکہ جب تم میں سے کوئی (جمائی لیتے ہوئے آواز نکال کر) 'ہا' کہتا ہے تو شیطان اس پر ہنستا ہے۔“ [صحيح الجامع الصغير وزيادته/[حرف الألف] -- أد/حدیث: 425]

(نبی کریم صلی اللہ علیہ وسلم نے فرمایا:)
”جب تم میں سے کسی کو جمائی آئے تو وہ اپنا ہاتھ اپنے منہ پر رکھ لے، کیونکہ جمائی کے ساتھ شیطان (منہ کے اندر) داخل ہو جاتا ہے۔“ [صحيح الجامع الصغير وزيادته/[حرف الألف] -- أد/حدیث: 426]

(نبی کریم صلی اللہ علیہ وسلم نے فرمایا:)
”جب تم میں سے کسی کو نماز کے دوران جمائی آئے تو وہ جہاں تک ہو سکے اسے ضبط کرے، کیونکہ (کھلے منہ سے) شیطان داخل ہو جاتا ہے۔“ [صحيح الجامع الصغير وزيادته/[حرف الألف] -- أد/حدیث: 427]

(نبی کریم صلی اللہ علیہ وسلم نے فرمایا:)
”جب تم میں سے کوئی شادی کرے تو اسے یہ دعا دی جائے: «بَارَكَ اللَّهُ لَكَ وَبَارَكَ عَلَيْكَ» (اللہ تمہارے لیے برکت دے اور تم پر برکت نازل فرمائے)۔“ [صحيح الجامع الصغير وزيادته/[حرف الألف] -- أد/حدیث: 428]