(نبی کریم صلی اللہ علیہ وسلم نے فرمایا:)
”جب اللہ تعالیٰ کسی شخص کے دل میں کسی عورت کو نکاح کا پیغام دینے کا ارادہ ڈال دے تو اس (عورت) کو دیکھنے میں کوئی حرج نہیں ہے۔“ [صحيح الجامع الصغير وزيادته/[حرف الألف] -- أد/حدیث: 389]

(نبی کریم صلی اللہ علیہ وسلم نے فرمایا:)
”جب تم میں سے کسی کو مذی نکل آئے اور اس نے (عورت کو) چھوا نہ ہو تو اسے چاہیے کہ وہ اپنی شرمگاہ اور دونوں خصیوں کو دھو لے، پھر وضو کرے اور نماز پڑھ لے۔“ [صحيح الجامع الصغير وزيادته/[حرف الألف] -- أد/حدیث: 390]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص لوگوں کی امامت کرے تو اسے چاہیے کہ وہ نماز ہلکی (مختصر) پڑھائے، کیونکہ ان (مقتدیوں) میں چھوٹے، بڑے، کمزور، بیمار اور حاجت مند سبھی طرح کے لوگ ہوتے ہیں، اور جب وہ تنہا اپنی نماز پڑھے تو جتنی چاہے طویل کرے۔“ [صحيح الجامع الصغير وزيادته/[حرف الألف] -- أد/حدیث: 391]

(نبی کریم صلی اللہ علیہ وسلم نے فرمایا:)
”جب کوئی شخص لوگوں کی امامت کرے تو وہ ان (مقتدیوں) کے مقام سے کسی اونچی جگہ پر کھڑا نہ ہو۔“ [صحيح الجامع الصغير وزيادته/[حرف الألف] -- أد/حدیث: 392]

(نبی کریم صلی اللہ علیہ وسلم نے فرمایا:)
”جب تم لوگوں کی امامت کرو تو (نماز میں) ﴿وَالشَّمْسِ وَضُحَاهَا﴾ [سورة الشمس: 1] ، ﴿سَبِّحِ اسْمَ رَبِّكَ الْأَعْلَى﴾ [سورة الأعلى: 1] اور ﴿وَاللَّيْلِ إِذَا يَغْشَى﴾ [سورة الليل: 1] پڑھا کرو۔“ [صحيح الجامع الصغير وزيادته/[حرف الألف] -- أد/حدیث: 393]

(نبی کریم صلی اللہ علیہ وسلم نے فرمایا:)
”جب تم کسی قوم کی امامت کرو تو انہیں ہلکی (مختصر) نماز پڑھاؤ۔“ [صحيح الجامع الصغير وزيادته/[حرف الألف] -- أد/حدیث: 394]

(نبی کریم صلی اللہ علیہ وسلم نے فرمایا:)
”جب امام آمین کہے تو تم بھی آمین کہو، کیونکہ جس کی آمین فرشتوں کی آمین کے موافق ہو گئی، اس کے پچھلے گناہ معاف کر دیے جاتے ہیں۔“ [صحيح الجامع الصغير وزيادته/[حرف الألف] -- أد/حدیث: 395]

(نبی کریم صلی اللہ علیہ وسلم نے فرمایا:)
”جب قاری (امام) آمین کہے تو تم بھی آمین کہو کیونکہ فرشتے بھی آمین کہتے ہیں، پس جس شخص کی آمین فرشتوں کی آمین کے موافق ہو گئی، اس کے پچھلے گناہ معاف کر دیے جاتے ہیں۔“ [صحيح الجامع الصغير وزيادته/[حرف الألف] -- أد/حدیث: 396]

(نبی کریم صلی اللہ علیہ وسلم نے فرمایا:)
”جب شعبان کا آدھا مہینہ گزر جائے تو تم روزے نہ رکھو یہاں تک کہ رمضان آ جائے۔“ [صحيح الجامع الصغير وزيادته/[حرف الألف] -- أد/حدیث: 397]

(نبی کریم صلی اللہ علیہ وسلم نے فرمایا:)
”جب تم میں سے کوئی جوتا پہنے تو دائیں پاؤں سے شروع کرے اور جب اتارے تو بائیں پاؤں سے شروع کرے، تاکہ دایاں پاؤں پہننے میں پہلا اور اتارنے میں آخری رہے۔“ [صحيح الجامع الصغير وزيادته/[حرف الألف] -- أد/حدیث: 398]