(نبی کریم صلی اللہ علیہ وسلم نے فرمایا:)
”جب کوئی شخص کسی شوہر دیدہ (شادی شدہ) عورت کے ہوتے ہوئے کسی کنواری لڑکی سے نکاح کرے تو وہ اس کے پاس سات دن قیام کرے، اور جب کسی کنواری لڑکی کی موجودگی میں کسی شوہر دیدہ عورت سے نکاح کرے تو اس کے پاس تین دن قیام کرے۔“ [صحيح الجامع الصغير وزيادته/[حرف الألف] -- أد/حدیث: 429]

(نبی کریم صلی اللہ علیہ وسلم نے فرمایا:)
”جب کوئی بندہ نکاح کر لیتا ہے تو اس نے اپنا آدھا دین مکمل کر لیا، پس اسے چاہیے کہ وہ باقی آدھے حصے کے بارے میں اللہ سے ڈرے (تقویٰ اختیار کرے)۔“ [صحيح الجامع الصغير وزيادته/[حرف الألف] -- أد/حدیث: 430]

(نبی کریم صلی اللہ علیہ وسلم نے فرمایا:)
”جب تم میرے نام پر (اپنا) نام رکھو تو میری کنیت پر اپنی کنیت نہ رکھو۔“ [صحيح الجامع الصغير وزيادته/[حرف الألف] -- أد/حدیث: 431]

(نبی کریم صلی اللہ علیہ وسلم نے فرمایا:)
”جب تم میں سے کوئی (نماز میں) تشہد پڑھے تو چار چیزوں سے پناہ مانگے: جہنم کے عذاب سے، قبر کے عذاب سے، زندگی اور موت کے فتنے سے اور مسیح دجال کے شر سے، پھر اس کے بعد اپنے لیے جو چاہے دعا کرے۔“ [صحيح الجامع الصغير وزيادته/[حرف الألف] -- أد/حدیث: 432]

(نبی کریم صلی اللہ علیہ وسلم نے فرمایا:)
”جب دو مسلمان آپس میں مصافحہ کرتے ہیں تو ان کے ہاتھ الگ ہونے سے پہلے ہی ان کی مغفرت کر دی جاتی ہے۔“ [صحيح الجامع الصغير وزيادته/[حرف الألف] -- أد/حدیث: 433]

(نبی کریم صلی اللہ علیہ وسلم نے فرمایا:)
”جب کوئی شخص طہارت حاصل کرتا ہے پھر نماز کے ارادے سے مسجد کی طرف جاتا ہے تو اس کے ہر قدم پر جو وہ مسجد کی طرف اٹھاتا ہے، اس کا لکھنے والا (فرشتہ) اس کے لیے دس نیکیاں لکھ دیتا ہے، اور جو شخص نماز کے انتظار میں بیٹھا رہتا ہے وہ عبادت گزار کی طرح ہے، اور جب سے وہ اپنے گھر سے نکلتا ہے یہاں تک کہ واپس لوٹ آئے، وہ نمازیوں میں ہی شمار ہوتا ہے۔“ [صحيح الجامع الصغير وزيادته/[حرف الألف] -- أد/حدیث: 434]

(نبی کریم صلی اللہ علیہ وسلم نے فرمایا:)
”جب تمہارے پاس دو آدمی فیصلہ کروانے کے لیے آئیں تو پہلے کے حق میں اس وقت تک فیصلہ نہ کرو جب تک دوسرے کی بات بھی نہ سن لو، (ایسا کرنے سے) تمہیں بخوبی معلوم ہو جائے گا کہ فیصلہ کیسے کرنا ہے۔“ [صحيح الجامع الصغير وزيادته/[حرف الألف] -- أد/حدیث: 435]

(نبی کریم صلی اللہ علیہ وسلم نے فرمایا:)
”جب اللہ تعالیٰ وحی کے ذریعے کلام فرماتا ہے تو آسمانِ دنیا کے فرشتے ایک جھنکار سنتے ہیں جیسے صاف پتھر پر زنجیر کھینچی جا رہی ہو، جس سے وہ بے ہوش ہو جاتے ہیں اور اسی حالت میں رہتے ہیں یہاں تک کہ ان کے پاس جبریل (علیہ السلام) آتے ہیں، پھر جب جبریل ان کے پاس پہنچتے ہیں تو ان کے دلوں سے گھبراہٹ دور کر دی جاتی ہے، وہ پوچھتے ہیں: اے جبریل! آپ کے رب نے کیا فرمایا ہے؟ وہ جواب دیتے ہیں: حق فرمایا ہے۔ تو وہ سب فرشتے بھی پکار اٹھتے ہیں: حق فرمایا، حق فرمایا۔“ [صحيح الجامع الصغير وزيادته/[حرف الألف] -- أد/حدیث: 436]

(نبی کریم صلی اللہ علیہ وسلم نے فرمایا:)
”جب تم میں سے کوئی (اللہ سے کچھ پانے کی) تمنا کرے تو زیادہ کی تمنا کرے، کیونکہ وہ اپنے رب سے ہی مانگ رہا ہوتا ہے۔“ [صحيح الجامع الصغير وزيادته/[حرف الألف] -- أد/حدیث: 437]

(نبی کریم صلی اللہ علیہ وسلم نے فرمایا:)
”جب تم میں سے کوئی (مسجد یا نماز میں) تھوکے (یا بلغم پھینکے) تو وہ اپنے چہرے کے سامنے ہرگز نہ تھوکے اور نہ اپنی دائیں طرف تھوکے، بلکہ اسے چاہیے کہ اپنی بائیں طرف یا اپنے بائیں پاؤں کے نیچے تھوکے۔“ [صحيح الجامع الصغير وزيادته/[حرف الألف] -- أد/حدیث: 438]