(نبی کریم صلی اللہ علیہ وسلم نے فرمایا:)
”جب تمہارے پاس کوئی ایسا شخص (رشتہ مانگنے) آئے جس کے اخلاق اور دینداری سے تم مطمئن ہو تو اس کے ساتھ (اپنی بچیوں کا) نکاح کر دو، اگر تم ایسا نہیں کرو گے تو زمین میں بہت بڑا فتنہ اور وسیع بگاڑ پیدا ہو جائے گا۔“ [صحيح الجامع الصغير وزيادته/[حرف الألف] -- أد/حدیث: 270]

(نبی کریم صلی اللہ علیہ وسلم نے فرمایا:)
”جب کپڑا کشادہ ہو تو اسے اپنے کندھوں پر لپیٹ لو پھر نماز پڑھو، اور اگر اس سے تنگ ہو تو اسے اپنی کمر پر باندھ لو اور بغیر چادر کے نماز پڑھ لو۔“ [صحيح الجامع الصغير وزيادته/[حرف الألف] -- أد/حدیث: 271]

(نبی کریم صلی اللہ علیہ وسلم نے فرمایا:)
”جب تم نماز کے لیے آؤ تو وقار اور اطمینان کے ساتھ آؤ، پس جو (نماز امام کے ساتھ) مل جائے اسے پڑھ لو اور جو چھوٹ جائے اسے (بعد میں) پورا کر لو۔“ [صحيح الجامع الصغير وزيادته/[حرف الألف] -- أد/حدیث: 272]

(نبی کریم صلی اللہ علیہ وسلم نے فرمایا:)
”جب تم اپنی بیوی کے پاس آؤ (ہمبستری کے لیے) تو دانشمندی (اور شائستگی) کا مظاہرہ کرو۔“ [صحيح الجامع الصغير وزيادته/[حرف الألف] -- أد/حدیث: 273]

(نبی کریم صلی اللہ علیہ وسلم نے فرمایا:)
”جب تم کسی اونٹوں کے چرواہے کے پاس سے گزرو تو تین مرتبہ آواز دو: اے اونٹوں کے چرواہے! اگر وہ جواب دے دے (تو اجازت لے لو)، ورنہ دودھ دوہ لو اور پی لو لیکن (اسے) خراب نہ کرو، اور جب تم کسی باغ پر آؤ تو تین مرتبہ آواز دو: اے باغ والے! اگر وہ جواب دے دے (تو ٹھیک ہے)، ورنہ کھا لو لیکن نقصان نہ پہنچاؤ۔“ [صحيح الجامع الصغير وزيادته/[حرف الألف] -- أد/حدیث: 274]

(نبی کریم صلی اللہ علیہ وسلم نے فرمایا:)
”جب تم نماز کے لیے آؤ تو تم پر سکون و اطمینان لازم ہے اور دوڑتے ہوئے نہ آؤ، پس جو رکعات تمہیں مل جائیں انہیں پڑھ لو اور جو چھوٹ جائیں انہیں مکمل کر لو۔“ [صحيح الجامع الصغير وزيادته/[حرف الألف] -- أد/حدیث: 275]

(نبی کریم صلی اللہ علیہ وسلم نے فرمایا:)
”جب تم اپنے بستر پر آؤ تو نماز جیسا وضو کرو، پھر اپنی دائیں کروٹ پر لیٹ جاؤ، پھر یہ دعا پڑھو: «اللَّهُمَّ أَسْلَمْتُ وَجْهِي إِلَيْكَ وَفَوَّضْتُ أَمْرِي إِلَيْكَ وَأَلْجَأْتُ ظَهْرِي إِلَيْكَ رَغْبَةً وَرَهْبَةً إِلَيْكَ لَا مَلْجَأَ وَلَا مَنْجَا مِنْكَ إِلَّا إِلَيْكَ آمَنْتُ بِكِتَابِكَ الَّذِي أَنْزَلْتَ وَبِنَبِيِّكَ الَّذِي أَرْسَلْتَ» (اے اللہ! میں نے اپنا چہرہ تیرے سپرد کر دیا، اپنا معاملہ تیرے حوالے کر دیا، اور اپنی پیٹھ کو تیری پناہ میں دے دیا، تیری رحمت کی امید اور تیرے عذاب کے ڈر سے، تجھ سے بچ کر بھاگنے کی کوئی جگہ اور کوئی ٹھکانہ نہیں مگر تیری ہی طرف، میں تیری اس کتاب پر ایمان لایا جو تو نے نازل فرمائی اور تیرے اس نبی پر جسے تو نے بھیجا)۔ پس اگر تم اسی رات فوت ہو گئے تو دینِ فطرت (اسلام) پر مرو گے، اور ان کلمات کو اپنی آخری بات بناؤ۔“ [صحيح الجامع الصغير وزيادته/[حرف الألف] -- أد/حدیث: 276]

(نبی کریم صلی اللہ علیہ وسلم نے فرمایا:)
”جب تمہارے پڑوسی تمہاری تعریف کریں کہ تم نیکوکار ہو تو درحقیقت تم نیکوکار ہو، اور جب تمہارے پڑوسی تمہارے بارے میں کہیں کہ تم برے ہو تو یقیناً تم برے ہو۔“ [صحيح الجامع الصغير وزيادته/[حرف الألف] -- أد/حدیث: 277]

(نبی کریم صلی اللہ علیہ وسلم نے فرمایا:)
”جب تم میت کو دھونی (خوشبو) دو تو تین مرتبہ دھونی دو۔“ [صحيح الجامع الصغير وزيادته/[حرف الألف] -- أد/حدیث: 278]

(نبی کریم صلی اللہ علیہ وسلم نے فرمایا:)
”جب تم میں سے کوئی اپنے (مسلمان) بھائی سے محبت کرے تو اسے بتا دے کہ وہ اس سے محبت کرتا ہے۔“ [صحيح الجامع الصغير وزيادته/[حرف الألف] -- أد/حدیث: 279]