(نبی کریم صلی اللہ علیہ وسلم نے فرمایا:)
”جب تم میں سے کوئی اپنے کسی بھائی سے اللہ کی خاطر محبت کرے تو اسے بتا دے، کیونکہ یہ باہمی الفت کو زیادہ باقی رکھنے والا اور محبت کو زیادہ مضبوط کرنے والا عمل ہے۔“ [صحيح الجامع الصغير وزيادته/[حرف الألف] -- أد/حدیث: 280]

(نبی کریم صلی اللہ علیہ وسلم نے فرمایا:)
”جب تم میں سے کوئی اپنے دوست سے محبت کرے تو اسے چاہیے کہ اس کے گھر جا کر اسے بتائے کہ وہ اس سے اللہ کے لیے محبت کرتا ہے۔“ [صحيح الجامع الصغير وزيادته/[حرف الألف] -- أد/حدیث: 281]

(نبی کریم صلی اللہ علیہ وسلم نے فرمایا:)
”جب اللہ تعالیٰ کسی بندے سے محبت کرتا ہے تو اسے دنیا (کی آفتوں اور برائیوں) سے اسی طرح بچاتا ہے جیسے تم میں سے کوئی اپنے بیمار کو (نقصان دہ) پانی سے بچاتا ہے۔“ [صحيح الجامع الصغير وزيادته/[حرف الألف] -- أد/حدیث: 282]

(نبی کریم صلی اللہ علیہ وسلم نے فرمایا:)
”جب اللہ تعالیٰ کسی بندے سے محبت کرتا ہے تو جبریل (علیہ السلام) کو پکارتا ہے کہ اللہ فلاں شخص سے محبت کرتا ہے تم بھی اس سے محبت کرو، تو جبریل بھی اس سے محبت کرنے لگتے ہیں۔ پھر جبریل آسمان والوں میں ندا دیتے ہیں کہ اللہ تعالیٰ فلاں سے محبت کرتا ہے تم بھی اس سے محبت کرو، تو آسمان والے بھی اس سے محبت کرنے لگتے ہیں، پھر زمین والوں میں اس کے لیے مقبولیت رکھ دی جاتی ہے۔“ [صحيح الجامع الصغير وزيادته/[حرف الألف] -- أد/حدیث: 283]

(نبی کریم صلی اللہ علیہ وسلم نے فرمایا:)
”جب اللہ تعالیٰ کسی بندے سے محبت کرتا ہے تو جبریل (علیہ السلام) کو پکار کر فرماتا ہے: میں نے فلاں سے محبت کی ہے تم بھی اس سے محبت کرو، تو وہ آسمان میں ندا دیتے ہیں، پھر زمین میں اس کے لیے محبت اتار دی جاتی ہے۔ یہی اللہ تعالیٰ کے اس فرمان کا مطلب ہے: ﴿إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَنُ وُدًّا﴾ بیشک جو لوگ ایمان لائے اور انہوں نے نیک اعمال کیے، عنقریب رحمٰن ان کے لیے (دلوں میں) محبت پیدا کر دے گا۔ [سورة مريم: 96] اور جب اللہ تعالیٰ کسی بندے سے نفرت کرتا ہے تو جبریل کو پکار کر فرماتا ہے کہ میں فلاں سے بغض رکھتا ہوں، پس وہ آسمان میں ندا دیتے ہیں، پھر زمین میں اس کے لیے نفرت و بغض اتار دیا جاتا ہے۔“ [صحيح الجامع الصغير وزيادته/[حرف الألف] -- أد/حدیث: 284]

(نبی کریم صلی اللہ علیہ وسلم نے فرمایا:)
”جب اللہ تعالیٰ کسی قوم سے محبت کرتا ہے تو انہیں آزمائش میں مبتلا کر دیتا ہے۔“ [صحيح الجامع الصغير وزيادته/[حرف الألف] -- أد/حدیث: 285]

(نبی کریم صلی اللہ علیہ وسلم نے فرمایا:)
”جب تم میں سے کسی کا نماز کے دوران وضو ٹوٹ جائے تو وہ اپنی ناک پکڑ لے اور پھر (نماز چھوڑ کر وضو کے لیے) چلا جائے۔“ [صحيح الجامع الصغير وزيادته/[حرف الألف] -- أد/حدیث: 286]

(نبی کریم صلی اللہ علیہ وسلم نے فرمایا:)
”جب تم میں سے کوئی اپنے اسلام کو عمدہ بنا لے، تو وہ جو بھی نیکی کرتا ہے اس کے لیے اس کی مثل دس گنا سے لے کر سات سو گنا تک بڑھا کر لکھی جاتی ہے، اور وہ جو بھی برائی کرتا ہے اس کے لیے بس اسی کے برابر لکھی جاتی ہے، یہاں تک کہ وہ اللہ سے جا ملے۔“ [صحيح الجامع الصغير وزيادته/[حرف الألف] -- أد/حدیث: 287]

(نبی کریم صلی اللہ علیہ وسلم نے فرمایا:)
”جب بیچنے اور خریدنے والے آپس میں اختلاف کر بیٹھیں تو بات بیچنے والے کی مانی جائے گی، اور خریدار کو (سودا برقرار رکھنے یا منسوخ کرنے کا) اختیار ہوگا۔“ [صحيح الجامع الصغير وزيادته/[حرف الألف] -- أد/حدیث: 288]

(نبی کریم صلی اللہ علیہ وسلم نے فرمایا:)
”جب خریدنے اور بیچنے والے اختلاف کر بیٹھیں اور ان دونوں کے پاس کوئی گواہ نہ ہو تو فیصلہ وہی ہوگا جو سامان کا مالک کہے گا، یا پھر وہ دونوں سودا ترک کر دیں۔“ [صحيح الجامع الصغير وزيادته/[حرف الألف] -- أد/حدیث: 289]