(نبی کریم صلی اللہ علیہ وسلم نے فرمایا:)
”جب خریدار اور بیچنے والا آپس میں اختلاف کر بیٹھیں، ان دونوں کے درمیان کوئی گواہ نہ ہو اور بیچی گئی چیز اپنی اصل حالت میں موجود ہو، تو بات وہی مانی جائے گی جو بیچنے والے نے کہی ہو، یا پھر وہ دونوں بیع (سودا) ترک کر دیں۔“ [صحيح الجامع الصغير وزيادته/[حرف الألف] -- أد/حدیث: 290]

(نبی کریم صلی اللہ علیہ وسلم نے فرمایا:)
”جب تم راستے (کی چوڑائی) کے بارے میں اختلاف کرو تو اسے سات ہاتھ مقرر کر لو۔“ [صحيح الجامع الصغير وزيادته/[حرف الألف] -- أد/حدیث: 291]

(نبی کریم صلی اللہ علیہ وسلم نے فرمایا:)
”جب تم رات کو اپنے بستر پر جاؤ تو ﴿قُلْ يَا أَيُّهَا الْكَافِرُونَ﴾ [سورة الكافرون: 1] پڑھو، پھر اس کے ختم ہونے پر سو جاؤ، کیونکہ یہ شرک سے براءت ہے۔“ [صحيح الجامع الصغير وزيادته/[حرف الألف] -- أد/حدیث: 292]

(نبی کریم صلی اللہ علیہ وسلم نے فرمایا:)
”جب تم میں سے کوئی اپنے دونوں پاؤں پاک ہونے کی حالت میں موزوں میں داخل کرے، تو وہ ان پر مسح کرے، مسافر کے لیے تین دن اور مقیم کے لیے ایک دن (اور رات) مقرر ہے۔“ [صحيح الجامع الصغير وزيادته/[حرف الألف] -- أد/حدیث: 293]

(نبی کریم صلی اللہ علیہ وسلم نے فرمایا:)
”جب تم میں سے کوئی سورج غروب ہونے سے پہلے عصر کی نماز کا ایک سجدہ (یعنی رکعت) پا لے تو وہ اپنی نماز پوری کرے، اور اگر سورج طلوع ہونے سے پہلے فجر کی نماز کا ایک سجدہ پا لے تو وہ اپنی نماز پوری کرے۔“ [صحيح الجامع الصغير وزيادته/[حرف الألف] -- أد/حدیث: 294]

(نبی کریم صلی اللہ علیہ وسلم نے فرمایا:)
”جب غلام اللہ کا حق اور اپنے مالکوں کا حق ادا کرے تو اس کے لیے دوگنا اجر ہے۔“ [صحيح الجامع الصغير وزيادته/[حرف الألف] -- أد/حدیث: 295]

(نبی کریم صلی اللہ علیہ وسلم نے فرمایا:)
”جب ابن ام مکتوم اذان دیں تو کھاؤ اور پیو، اور جب بلال اذان دیں تو نہ کھاؤ اور نہ پیو۔“ [صحيح الجامع الصغير وزيادته/[حرف الألف] -- أد/حدیث: 296]

(نبی کریم صلی اللہ علیہ وسلم نے فرمایا:)
”جب مؤذن اذان دے دے تو کوئی شخص (مسجد سے) نہ نکلے یہاں تک کہ وہ نماز پڑھ لے۔“ [صحيح الجامع الصغير وزيادته/[حرف الألف] -- أد/حدیث: 297]

(نبی کریم صلی اللہ علیہ وسلم نے فرمایا:)
”جب تم مغرب کی اذان دو تو اسے سورج (کے غروب ہوتے) ہی جلدی دے دیا کرو۔“ [صحيح الجامع الصغير وزيادته/[حرف الألف] -- أد/حدیث: 298]

(نبی کریم صلی اللہ علیہ وسلم نے فرمایا:)
”جب تم میں سے کوئی قضاء حاجت کے لیے جانا چاہتا ہو اور نماز کھڑی ہو جائے، تو وہ پہلے قضاء حاجت کے لیے جائے۔“ [صحيح الجامع الصغير وزيادته/[حرف الألف] -- أد/حدیث: 299]