(نبی کریم صلی اللہ علیہ وسلم نے فرمایا:)
”جب غلام (اپنے مالک سے) بھاگ جائے تو اس کی کوئی نماز قبول نہیں ہوتی۔“ [صحيح الجامع الصغير وزيادته/[حرف الألف] -- أد/حدیث: 260]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص نماز کے لیے آئے اور امام جس حالت میں بھی ہو تو اسے چاہیے کہ وہ بھی ویسا ہی کرے جیسا امام کر رہا ہے۔“ [صحيح الجامع الصغير وزيادته/[حرف الألف] -- أد/حدیث: 261]

(نبی کریم صلی اللہ علیہ وسلم نے فرمایا:)
”جب تم میں سے کوئی قضاء حاجت کے لیے جائے تو وہ قبلہ کی طرف رخ نہ کرے اور نہ ہی اس کی طرف پیٹھ کرے، بلکہ وہ مشرق یا مغرب کی طرف رخ کر لیا کرے۔“ [صحيح الجامع الصغير وزيادته/[حرف الألف] -- أد/حدیث: 262]

(نبی کریم صلی اللہ علیہ وسلم نے فرمایا:)
”جب تم میں سے کوئی اپنی بیوی کے پاس آئے (ہمبستری کرے) اور پھر دوبارہ ایسا کرنے کا ارادہ کرے، تو اسے چاہیے کہ وہ وضو کر لے۔“ [صحيح الجامع الصغير وزيادته/[حرف الألف] -- أد/حدیث: 263]

(نبی کریم صلی اللہ علیہ وسلم نے فرمایا:)
”جب تم میں سے کسی کے پاس اس کا خادم کھانا لائے، حالانکہ وہ اس کے پکانے کی مشقت اور دھویں کی تکلیف برداشت کر چکا ہوتا ہے، تو اسے چاہیے کہ وہ اسے اپنے ساتھ بٹھا لے، اور اگر وہ اسے اپنے ساتھ نہ بٹھا سکے تو اسے اس میں سے ایک یا دو لقمے ضرور دے دے۔“ [صحيح الجامع الصغير وزيادته/[حرف الألف] -- أد/حدیث: 264]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص مویشیوں کے ریوڑ کے پاس آئے، تو اگر وہاں ان کا مالک موجود ہو تو اس سے اجازت طلب کرے، اگر وہ اجازت دے دے تو وہ دودھ دوہ لے اور پی لے۔ اور اگر وہاں کوئی موجود نہ ہو تو تین مرتبہ آواز دے، پھر اگر کوئی جواب دے تو اس سے اجازت طلب کرے، اور اگر کوئی جواب نہ دے تو دودھ دوہ لے اور پی لے، لیکن اپنے ساتھ اٹھا کر نہ لے جائے۔“ [صحيح الجامع الصغير وزيادته/[حرف الألف] -- أد/حدیث: 265]

(نبی کریم صلی اللہ علیہ وسلم نے فرمایا:)
”جب کوئی شخص کسی قوم کے پاس آئے اور وہ اسے خوش آمدید کہیں تو قیامت کے دن جب وہ اپنے رب سے ملے گا اس کے لیے بھی خوش آمدید ہوگی، اور اگر کوئی شخص کسی قوم کے پاس آئے اور وہ اس کے لیے پھٹکار اور دوری کے الفاظ کہیں تو قیامت کے دن اس کے لیے بھی دوری اور پھٹکار ہوگی۔“ [صحيح الجامع الصغير وزيادته/[حرف الألف] -- أد/حدیث: 266]

(نبی کریم صلی اللہ علیہ وسلم نے فرمایا:)
”جب تمہارے پاس کوئی سائل آئے تو اس کے ہاتھ میں کچھ نہ کچھ ضرور رکھ دو، خواہ وہ جلا ہوا کھر ہی کیوں نہ ہو۔“ [صحيح الجامع الصغير وزيادته/[حرف الألف] -- أد/حدیث: 267]

(نبی کریم صلی اللہ علیہ وسلم نے فرمایا:)
”جب تمہارے پاس زکوٰۃ وصول کرنے والا آئے تو وہ تمہارے پاس سے اس حال میں واپس لوٹے کہ وہ تم سے راضی ہو۔“ [صحيح الجامع الصغير وزيادته/[حرف الألف] -- أد/حدیث: 268]

(نبی کریم صلی اللہ علیہ وسلم نے فرمایا:)
”جب تمہارے پاس کسی قوم کا معزز شخص آئے تو اس کی عزت و تکریم کیا کرو۔“ [صحيح الجامع الصغير وزيادته/[حرف الألف] -- أد/حدیث: 269]