(نبی کریم صلی اللہ علیہ وسلم نے فرمایا:)
”جب تم میں سے کوئی اپنی بیٹی کا نکاح کرنا چاہے تو اسے چاہیے کہ وہ اس سے اجازت طلب کرے۔“ [صحيح الجامع الصغير وزيادته/[حرف الألف] -- أد/حدیث: 300]

(نبی کریم صلی اللہ علیہ وسلم نے فرمایا:)
”جب تم میں سے کوئی اپنی بیوی سے اپنی حاجت پوری کرنے کا ارادہ کرے تو اسے چاہیے کہ وہ اس کے پاس آئے، خواہ وہ تنور پر (روٹیاں ہی کیوں نہ پکا رہی) ہو۔“ [صحيح الجامع الصغير وزيادته/[حرف الألف] -- أد/حدیث: 301]

(نبی کریم صلی اللہ علیہ وسلم نے فرمایا:)
”جب اللہ تعالیٰ کسی حکمران کے ساتھ بھلائی کا ارادہ فرماتا ہے تو اس کے لیے ایک سچا وزیر مقرر کر دیتا ہے، اگر حکمران بھول جائے تو وہ اسے یاد دلاتا ہے اور اگر اسے یاد ہو تو وہ اس کی مدد کرتا ہے۔ اور جب اللہ اس کے ساتھ اس کے برعکس ارادہ فرماتا ہے تو اس کے لیے ایک برا وزیر مقرر کر دیتا ہے، اگر وہ بھول جائے تو وہ اسے یاد نہیں دلاتا اور اگر اسے یاد ہو تو وہ اس کی مدد نہیں کرتا۔“ [صحيح الجامع الصغير وزيادته/[حرف الألف] -- أد/حدیث: 302]

(نبی کریم صلی اللہ علیہ وسلم نے فرمایا:)
”جب اللہ تعالیٰ کسی گھر والوں کے ساتھ بھلائی کا ارادہ فرماتا ہے تو ان کے اندر نرمی اور شفقت داخل کر دیتا ہے۔“ [صحيح الجامع الصغير وزيادته/[حرف الألف] -- أد/حدیث: 303]

(نبی کریم صلی اللہ علیہ وسلم نے فرمایا:)
”جب اللہ تعالیٰ کسی بندے کے ساتھ بھلائی کا ارادہ فرماتا ہے تو اسے کام پر لگا دیتا ہے۔ (صحابہ نے) پوچھا: اسے کس کام پر لگاتا ہے؟ آپ صلی اللہ علیہ وسلم نے فرمایا: اس کی موت سے پہلے اس کے لیے کسی نیک عمل کا دروازہ کھول دیتا ہے یہاں تک کہ اس کے آس پاس رہنے والے لوگ اس سے راضی ہو جاتے ہیں۔“ [صحيح الجامع الصغير وزيادته/[حرف الألف] -- أد/حدیث: 304]

(نبی کریم صلی اللہ علیہ وسلم نے فرمایا:)
”جب (اللہ تعالیٰ) کسی بندے کے ساتھ بھلائی کا ارادہ فرماتا ہے تو اسے کام پر لگا دیتا ہے۔ (صحابہ نے) پوچھا: وہ اسے کیسے کام پر لگاتا ہے؟ آپ صلی اللہ علیہ وسلم نے فرمایا: موت سے پہلے اسے نیک عمل کی توفیق دیتا ہے اور پھر اسی (نیک عمل کی) حالت میں اس کی روح قبض کر لیتا ہے۔“ [صحيح الجامع الصغير وزيادته/[حرف الألف] -- أد/حدیث: 305]

(نبی کریم صلی اللہ علیہ وسلم نے فرمایا:)
”جب اللہ تعالیٰ کسی بندے کے ساتھ بھلائی کا ارادہ فرماتا ہے تو اسے مرنے سے پہلے پاک کر دیتا ہے۔ صحابہ نے عرض کیا: بندے کے پاک ہونے سے کیا مراد ہے؟ آپ صلی اللہ علیہ وسلم نے فرمایا: وہ ایک نیک عمل ہے جس کا اللہ اسے الہام کر دیتا ہے (توفیق دے دیتا ہے) یہاں تک کہ اسی حالت میں اس کی روح قبض کر لیتا ہے۔“ [صحيح الجامع الصغير وزيادته/[حرف الألف] -- أد/حدیث: 306]

(نبی کریم صلی اللہ علیہ وسلم نے فرمایا:)
”جب اللہ تعالیٰ کسی بندے کے ساتھ بھلائی کا ارادہ فرماتا ہے تو اسے شہد کی طرح میٹھا کر دیتا ہے۔ (صحابہ نے) پوچھا: اس کے شہد کی طرح میٹھا ہونے کا کیا مطلب ہے؟ آپ صلی اللہ علیہ وسلم نے فرمایا: وہ اس کی موت سے پہلے اس کے لیے ایک نیک عمل کا دروازہ کھول دیتا ہے پھر اسی حالت پر اس کی روح قبض کر لیتا ہے۔“ [صحيح الجامع الصغير وزيادته/[حرف الألف] -- أد/حدیث: 307]

(نبی کریم صلی اللہ علیہ وسلم نے فرمایا:)
”جب اللہ تعالیٰ اپنے بندے کے ساتھ بھلائی کا ارادہ فرماتا ہے تو اسے دنیا میں ہی جلد سزا دے دیتا ہے، اور جب وہ اپنے بندے کے ساتھ برائی کا ارادہ فرماتا ہے تو اس کے گناہ کی سزا کو روکے رکھتا ہے یہاں تک کہ قیامت کے دن اسے اس کا پورا پورا بدلہ دے گا۔“ [صحيح الجامع الصغير وزيادته/[حرف الألف] -- أد/حدیث: 308]

(نبی کریم صلی اللہ علیہ وسلم نے فرمایا:)
”جب اللہ تعالیٰ کسی قوم پر عذاب کا ارادہ فرماتا ہے تو ان میں موجود تمام لوگوں کو عذاب اپنی لپیٹ میں لے لیتا ہے، پھر (قیامت کے دن) وہ اپنے اپنے اعمال کے مطابق اٹھائے جائیں گے۔“ [صحيح الجامع الصغير وزيادته/[حرف الألف] -- أد/حدیث: 309]