(نبی کریم صلی اللہ علیہ وسلم نے فرمایا:)
”جب تم میں سے کوئی شخص چھینکے تو وہ کہے: «الْحَمْدُ لِلَّهِ»، پس جب وہ یہ کہہ لے تو اس کا بھائی یا ساتھی اسے کہے: «يَرْحَمُكَ اللَّهُ»، پس جب وہ اسے «يَرْحَمُكَ اللَّهُ» کہے تو وہ (چھینکنے والا جواب میں) کہے: «يَهْدِيكُمُ اللَّهُ وَيُصْلِحُ بَالَكُمْ» ۔“ [صحيح الجامع الصغير وزيادته/[حرف الألف] -- أد/حدیث: 688]

(نبی کریم صلی اللہ علیہ وسلم نے فرمایا:)
”جب زمین میں کوئی گناہ کیا جائے، تو جو شخص وہاں موجود ہو اور اسے برا جانے، وہ اس شخص کی طرح ہے جو وہاں موجود نہ تھا (یعنی وہ اس گناہ کے وبال سے محفوظ ہے)، اور جو شخص وہاں موجود نہ ہو لیکن اس (گناہ) پر راضی ہو، تو وہ اس شخص کی طرح ہے جو وہاں موجود تھا۔“ [صحيح الجامع الصغير وزيادته/[حرف الألف] -- أد/حدیث: 689]

(نبی کریم صلی اللہ علیہ وسلم نے فرمایا:)
”جب تم سے کوئی برائی (گناہ) سرزد ہو جائے تو اس کے فوراً بعد کوئی نیکی کر لیا کرو، وہ نیکی اس برائی کو مٹا دے گی۔“ [صحيح الجامع الصغير وزيادته/[حرف الألف] -- أد/حدیث: 690]

(نبی کریم صلی اللہ علیہ وسلم نے فرمایا:)
”جب تم شوربہ بناؤ تو اس میں پانی زیادہ کر لو، اور پھر اس میں سے اپنے پڑوسیوں کو بھی دو۔“ [صحيح الجامع الصغير وزيادته/[حرف الألف] -- أد/حدیث: 691]

(نبی کریم صلی اللہ علیہ وسلم نے فرمایا:)
”جب سورج غروب ہو جائے تو اپنے بچوں کو (باہر نکلنے سے) روک لو، کیونکہ یہ وہ وقت ہے جب شیاطین پھیل جاتے ہیں۔“ [صحيح الجامع الصغير وزيادته/[حرف الألف] -- أد/حدیث: 692]

(نبی کریم صلی اللہ علیہ وسلم نے فرمایا:)
”جب تم میں سے کسی کو غصہ آئے تو اسے چاہیے کہ وہ خاموش ہو جائے۔“ [صحيح الجامع الصغير وزيادته/[حرف الألف] -- أد/حدیث: 693]

(نبی کریم صلی اللہ علیہ وسلم نے فرمایا:)
”جب تم میں سے کسی کو کھڑے ہونے کی حالت میں غصہ آئے تو وہ بیٹھ جائے، پس اگر اس سے غصہ دور ہو جائے (تو بہتر ہے)، ورنہ اسے چاہیے کہ وہ لیٹ جائے۔“ [صحيح الجامع الصغير وزيادته/[حرف الألف] -- أد/حدیث: 694]

(نبی کریم صلی اللہ علیہ وسلم نے فرمایا:)
”جب کسی شخص کو غصہ آئے اور وہ «أَعُوذُ بِاللَّهِ» (میں اللہ کی پناہ مانگتا ہوں) کہہ لے، تو اس کا غصہ ٹھنڈا ہو جاتا ہے۔“ [صحيح الجامع الصغير وزيادته/[حرف الألف] -- أد/حدیث: 695]

(نبی کریم صلی اللہ علیہ وسلم نے فرمایا:)
”جب تمہیں غصہ آئے تو بیٹھ جاؤ۔“ [صحيح الجامع الصغير وزيادته/[حرف الألف] -- أد/حدیث: 696]

(نبی کریم صلی اللہ علیہ وسلم نے فرمایا:)
”جب تم پر فارس اور روم (کے علاقے و خزانے) فتح ہو جائیں گے تو تم کیسے لوگ ہو گے؟ عرض کیا گیا: ہم ویسے ہی رہیں گے جیسے اللہ نے ہمیں حکم دیا ہے۔ آپ ( صلی اللہ علیہ وسلم ) نے فرمایا: یا اس کے برعکس ہو جاؤ گے؟ تم آپس میں دنیا کی حرص میں مقابلہ کرو گے، پھر ایک دوسرے سے حسد کرو گے، پھر ایک دوسرے سے منہ پھیر لو گے (تعلقات توڑ لو گے)، پھر ایک دوسرے سے بغض رکھو گے، پھر تم مہاجرین کی بستیوں میں جا کر ان میں سے بعض کو بعض کی گردنوں پر (حاکم بنا کر) مسلط کر دو گے۔“ [صحيح الجامع الصغير وزيادته/[حرف الألف] -- أد/حدیث: 697]