(نبی کریم صلی اللہ علیہ وسلم نے فرمایا:)
”بلاشبہ سحری کرنا ایک برکت ہے جو اللہ تعالیٰ نے تمہیں عطا کی ہے، لہٰذا تم اسے مت چھوڑو۔“ [صحيح الجامع الصغير وزيادته/[حرف الألف] -- أنا/حدیث: 1636]

(نبی کریم صلی اللہ علیہ وسلم نے فرمایا:)
”بلاشبہ خوش نصیب تو وہ ہے جسے فتنوں سے بچا لیا گیا اور وہ شخص جسے آزمائش میں ڈالا گیا تو اس نے صبر کیا۔“ [صحيح الجامع الصغير وزيادته/[حرف الألف] -- أنا/حدیث: 1637]

(نبی کریم صلی اللہ علیہ وسلم نے فرمایا:)
”بلاشبہ «السَّلَامُ» اللہ تعالیٰ کے ناموں میں سے ایک نام ہے، لہٰذا تم اسے اپنے درمیان (کثرت سے) پھیلاؤ۔“ [صحيح الجامع الصغير وزيادته/[حرف الألف] -- أنا/حدیث: 1638]

(نبی کریم صلی اللہ علیہ وسلم نے فرمایا:)
”بلاشبہ «السَّلَامُ» اللہ تعالیٰ کے ناموں میں سے ایک نام ہے جسے زمین میں رکھا گیا ہے، لہٰذا تم اپنے درمیان سلام کو پھیلاؤ۔“ [صحيح الجامع الصغير وزيادته/[حرف الألف] -- أنا/حدیث: 1639]

(نبی کریم صلی اللہ علیہ وسلم نے فرمایا:)
”بلاشبہ (کسی کو) قرض دینا آدھے صدقے کے برابر (ثواب) کا درجہ رکھتا ہے۔“ [صحيح الجامع الصغير وزيادته/[حرف الألف] -- أنا/حدیث: 1640]

(نبی کریم صلی اللہ علیہ وسلم نے فرمایا:)
”بلاشبہ حاضر شخص وہ کچھ دیکھتا ہے جو غائب نہیں دیکھ سکتا۔“ [صحيح الجامع الصغير وزيادته/[حرف الألف] -- أنا/حدیث: 1641]

(نبی کریم صلی اللہ علیہ وسلم نے فرمایا:)
”بلاشبہ سورج اور چاند اللہ کی نشانیوں میں سے دو نشانیاں ہیں، انہیں کسی کی موت یا زندگی کی وجہ سے گرہن نہیں لگتا۔ پس جب تم یہ (گرہن) دیکھو تو اللہ سے دعا مانگو، تکبیر کہو، نماز پڑھو اور صدقہ کرو۔ اے محمد ( صلی اللہ علیہ وسلم ) کی امت! اللہ کی قسم، اللہ سے زیادہ غیرت مند کوئی نہیں کہ اس کا بندہ زنا کرے یا اس کی بندی زنا کرے۔ اے محمد ( صلی اللہ علیہ وسلم ) کی امت! اللہ کی قسم، اگر تم وہ جانتے جو میں جانتا ہوں تو تم ہنستے کم اور روتے زیادہ۔ اے اللہ! کیا میں نے پیغام پہنچا دیا ہے۔“ [صحيح الجامع الصغير وزيادته/[حرف الألف] -- أنا/حدیث: 1642]

(نبی کریم صلی اللہ علیہ وسلم نے فرمایا:)
”بلاشبہ سورج اور چاند جہنم میں دو کونچیں کٹے ہوئے بیل ہوں گے۔“ [صحيح الجامع الصغير وزيادته/[حرف الألف] -- أنا/حدیث: 1643]

(نبی کریم صلی اللہ علیہ وسلم نے فرمایا:)
”بلاشبہ سورج اور چاند کو کسی کی موت یا زندگی کی وجہ سے گرہن نہیں لگتا، بلکہ یہ دونوں اللہ کی نشانیوں میں سے دو نشانیاں ہیں جن کے ذریعے اللہ تعالیٰ اپنے بندوں کو ڈراتا ہے۔ پس جب تم اسے دیکھو تو نماز پڑھو اور دعا کرو یہاں تک کہ وہ کیفیت ختم ہو جائے جس میں تم مبتلا ہو۔“ [صحيح الجامع الصغير وزيادته/[حرف الألف] -- أنا/حدیث: 1644]

(نبی کریم صلی اللہ علیہ وسلم نے فرمایا:)
”بلاشبہ مہینہ انتیس دن کا بھی ہوتا ہے۔“ [صحيح الجامع الصغير وزيادته/[حرف الألف] -- أنا/حدیث: 1645]