(نبی کریم صلی اللہ علیہ وسلم نے فرمایا:)
”بلاشبہ ایک شخص (نماز پڑھ کر) لوٹتا ہے تو اس کے لیے اس کی نماز کا صرف دسواں حصہ، نواں حصہ، آٹھواں حصہ، ساتواں حصہ، چھٹا حصہ، پانچواں حصہ، چوتھائی حصہ، تہائی حصہ یا آدھا حصہ ہی (بطور ثواب) لکھا جاتا ہے۔“ [صحيح الجامع الصغير وزيادته/[حرف الألف] -- أنا/حدیث: 1626]

(نبی کریم صلی اللہ علیہ وسلم نے فرمایا:)
”بلاشبہ جنتیوں میں سے ایک آدمی کو کھانے، پینے، شہوت اور ہمبستری میں سو آدمیوں کے برابر طاقت دی جائے گی، اور ان کی حاجت (قضائے حاجت) صرف پسینے کی صورت میں ہوگی جو ان کی جلد سے نکلے گا، جس سے ان کا پیٹ ہلکا (اور پچک) جائے گا۔“ [صحيح الجامع الصغير وزيادته/[حرف الألف] -- أنا/حدیث: 1627]

(نبی کریم صلی اللہ علیہ وسلم نے فرمایا:)
”بلاشبہ جہنمیوں میں سے کسی آدمی کو جہنم کی آگ کے لیے اتنا بڑا کر دیا جائے گا کہ اس کی ایک داڑھ احد پہاڑ کے برابر ہو جائے گی۔“ [صحيح الجامع الصغير وزيادته/[حرف الألف] -- أنا/حدیث: 1628]

(نبی کریم صلی اللہ علیہ وسلم نے فرمایا:)
”بلاشبہ رحم (رشتہ داری) ایک شاخ ہے جس نے رحمن کے کمر بند کو پکڑا ہوا ہے، وہ اسی سے جڑتی ہے جو اس (رشتہ داری) کو جوڑتا ہے اور اسی سے کٹتی ہے جو اسے کاٹتا ہے۔“ [صحيح الجامع الصغير وزيادته/[حرف الألف] -- أنا/حدیث: 1629]

(نبی کریم صلی اللہ علیہ وسلم نے فرمایا:)
”بلاشبہ بندے کا رزق اسے اتنی شدت سے تلاش کرتا ہے جتنا اس کی موت اسے تلاش نہیں کرتی۔“ [صحيح الجامع الصغير وزيادته/[حرف الألف] -- أنا/حدیث: 1630]

(نبی کریم صلی اللہ علیہ وسلم نے فرمایا:)
”بلاشبہ رسالت اور نبوت کا سلسلہ ختم ہو چکا ہے، پس میرے بعد نہ کوئی رسول ہے اور نہ کوئی نبی، البتہ بشارتیں باقی ہیں اور وہ مسلمان آدمی کا (سچا) خواب ہے جو کہ نبوت کے اجزاء میں سے ایک جزو ہے۔“ [صحيح الجامع الصغير وزيادته/[حرف الألف] -- أنا/حدیث: 1631]

(نبی کریم صلی اللہ علیہ وسلم نے فرمایا:)
”بلاشبہ (شرکیہ) جھاڑ پھونک، تعویذ گنڈے اور میاں بیوی میں محبت پیدا کرنے والے جادو منتر شرک ہیں۔“ [صحيح الجامع الصغير وزيادته/[حرف الألف] -- أنا/حدیث: 1632]

(نبی کریم صلی اللہ علیہ وسلم نے فرمایا:)
”بلاشبہ حجر اسود اور مقام ابراہیم جنت کے یاقوتوں میں سے دو یاقوت ہیں، اللہ تعالیٰ نے ان کی روشنی مدھم کر دی ہے، اگر وہ ان کی روشنی کو مدھم نہ کرتا تو وہ مشرق و مغرب کے درمیان سب کچھ روشن کر دیتے۔“ [صحيح الجامع الصغير وزيادته/[حرف الألف] -- أنا/حدیث: 1633]

(نبی کریم صلی اللہ علیہ وسلم نے فرمایا:)
”بلاشبہ جب روح قبض کی جاتی ہے تو نگاہ اس کے پیچھے پیچھے جاتی ہے (اسی لیے مردے کی آنکھیں کھلی رہ جاتی ہیں)۔“ [صحيح الجامع الصغير وزيادته/[حرف الألف] -- أنا/حدیث: 1634]

(نبی کریم صلی اللہ علیہ وسلم نے فرمایا:)
”بلاشبہ قیامت اس وقت تک قائم نہیں ہوگی جب تک دس نشانیاں ظاہر نہ ہو جائیں: دھواں، دجال، زمین کا جانور، سورج کا مغرب سے طلوع ہونا، تین جگہ زمین کا دھنسنا: ایک مشرق میں، ایک مغرب میں اور ایک جزیرہ نما عرب میں زمین کا دھنسنا، عیسیٰ (علیہ السلام) کا نزول، یاجوج و ماجوج کا نکلنا، اور وہ آگ جو عدن کے گڑھے سے نکل کر لوگوں کو ہانک کر میدان محشر کی طرف لے جائے گی، جہاں لوگ رات گزاریں گے یہ آگ بھی ان کے ساتھ رات گزارے گی اور جہاں لوگ قیلولہ کریں گے یہ بھی ان کے ساتھ قیلولہ کرے گی۔“ [صحيح الجامع الصغير وزيادته/[حرف الألف] -- أنا/حدیث: 1635]