(نبی کریم صلی اللہ علیہ وسلم نے فرمایا:)
”بلاشبہ بھیڑ کا جذعہ (چھ ماہ سے ایک سال تک کا بچہ) اس چیز کے لیے کافی ہو جاتا ہے جس کے لیے بکری کا ثنی (دو دانتا جانور) کافی ہوتا ہے۔“ [صحيح الجامع الصغير وزيادته/[حرف الألف] -- أنا/حدیث: 1596]

(نبی کریم صلی اللہ علیہ وسلم نے فرمایا:)
”بلاشبہ قیامت کے دن بغیر سینگ والی بکری کو سینگ والی بکری سے ضرور بدلہ دلایا جائے گا۔“ [صحيح الجامع الصغير وزيادته/[حرف الألف] -- أنا/حدیث: 1597]

(نبی کریم صلی اللہ علیہ وسلم نے فرمایا:)
”بلاشبہ جنت تین افراد کی مشتاق ہے: علی، عمار اور سلمان (رضی اللہ عنہم) کی۔“ [صحيح الجامع الصغير وزيادته/[حرف الألف] -- أنا/حدیث: 1598]

(نبی کریم صلی اللہ علیہ وسلم نے فرمایا:)
”بلاشبہ حج اور عمرہ اللہ کے راستے (میں جہاد کا حصہ) ہیں، اور یقیناً رمضان میں کیا گیا عمرہ ایک حج کے برابر ثواب رکھتا ہے۔“ [صحيح الجامع الصغير وزيادته/[حرف الألف] -- أنا/حدیث: 1599]

(نبی کریم صلی اللہ علیہ وسلم نے فرمایا:)
”بلاشبہ حسن اور حسین (رضی اللہ عنہما) دنیا میں میرے دو پھول ہیں۔“ [صحيح الجامع الصغير وزيادته/[حرف الألف] -- أنا/حدیث: 1600]

(نبی کریم صلی اللہ علیہ وسلم نے فرمایا:)
”بلاشبہ «الْحَمْدُ لِلَّهِ»، «سُبْحَانَ اللَّهِ»، «لَا إِلَهَ إِلَّا اللَّهُ» اور «اللَّهُ أَكْبَرُ» کہنے سے بندے کے گناہ اس طرح جھڑ جاتے ہیں جس طرح اس درخت کے پتے جھڑ رہے ہیں۔“ [صحيح الجامع الصغير وزيادته/[حرف الألف] -- أنا/حدیث: 1601]

(نبی کریم صلی اللہ علیہ وسلم نے فرمایا:)
”بلاشبہ موٹی اور خوبصورت آنکھوں والی حوریں جنت میں گنگنائیں گی اور کہیں گی: «نَحْنُ الْحُورُ الْحِسَانُ، خُبِّئْنَا لِأَزْوَاجٍ كِرَامٍ» ہم خوبصورت حوریں ہیں، جنہیں معزز شوہروں کے لیے چھپا کر (محفوظ) رکھا گیا ہے۔“ [صحيح الجامع الصغير وزيادته/[حرف الألف] -- أنا/حدیث: 1602]

(نبی کریم صلی اللہ علیہ وسلم نے فرمایا:)
”بلاشبہ حیا اور ایمان دونوں آپس میں جڑے ہوئے ہیں، پس جب ان میں سے ایک اٹھا لیا جاتا ہے تو دوسرا بھی اٹھا لیا جاتا ہے۔“ [صحيح الجامع الصغير وزيادته/[حرف الألف] -- أنا/حدیث: 1603]

(نبی کریم صلی اللہ علیہ وسلم نے فرمایا:)
”بلاشبہ شراب (انگور کے) رس، کشمش، کھجور، گندم، جو اور مکئی سے بنائی جاتی ہے اور میں تمہیں ہر نشہ آور چیز سے منع کرتا ہوں۔“ [صحيح الجامع الصغير وزيادته/[حرف الألف] -- أنا/حدیث: 1604]

(نبی کریم صلی اللہ علیہ وسلم نے فرمایا:)
”بلاشبہ نیکی کی طرف رہنمائی کرنے والا نیکی کرنے والے کی طرح (اجر پانے والا) ہے۔“ [صحيح الجامع الصغير وزيادته/[حرف الألف] -- أنا/حدیث: 1605]