(نبی کریم صلی اللہ علیہ وسلم نے فرمایا:)
”تم اور تمہارا مال تمہارے باپ کا ہے۔“ [صحيح الجامع الصغير وزيادته/[حرف الألف] -- أنا/حدیث: 1486]

(نبی کریم صلی اللہ علیہ وسلم نے فرمایا:)
”تم اور تمہارا مال تمہارے باپ کا ہے، بے شک تمہاری اولاد تمہاری پاکیزہ ترین کمائی میں سے ہے، لہٰذا تم اپنی اولاد کی کمائی میں سے کھاؤ۔“ [صحيح الجامع الصغير وزيادته/[حرف الألف] -- أنا/حدیث: 1487]

(نبی کریم صلی اللہ علیہ وسلم نے فرمایا:)
”تم اپنے دنیاوی معاملات کو زیادہ بہتر جانتے ہو۔“ [صحيح الجامع الصغير وزيادته/[حرف الألف] -- أنا/حدیث: 1488]

(نبی کریم صلی اللہ علیہ وسلم نے فرمایا:)
”تم قیامت کے دن مکمل اور اچھی طرح وضو کرنے کے باعث روشن چہروں اور چمکتے ہوئے اعضاء والے ہو گے۔“ [صحيح الجامع الصغير وزيادته/[حرف الألف] -- أنا/حدیث: 1489]

(نبی کریم صلی اللہ علیہ وسلم نے فرمایا:)
”تم زمین میں اللہ کے گواہ ہو اور فرشتے آسمان میں اللہ کے گواہ ہیں۔“ [صحيح الجامع الصغير وزيادته/[حرف الألف] -- أنا/حدیث: 1490]

(نبی کریم صلی اللہ علیہ وسلم نے فرمایا:)
”اللہ تعالیٰ نے اس شخص کی ذمہ داری لے لی ہے جو اس کی راہ میں نکلے، جسے صرف مجھ پر ایمان اور میرے رسولوں کی تصدیق ہی گھر سے نکالے، کہ وہ اسے ثواب یا مالِ غنیمت کے ساتھ واپس لائے گا یا پھر اسے جنت میں داخل کرے گا۔ اور اگر مجھے اپنی امت پر مشقت کا ڈر نہ ہوتا تو میں کسی بھی لشکر کے پیچھے نہ بیٹھتا، اور میری تو یہ تمنا ہے کہ میں اللہ کی راہ میں قتل کیا جاؤں، پھر زندہ کیا جاؤں، پھر قتل کیا جاؤں، پھر زندہ کیا جاؤں، پھر قتل کیا جاؤں اور پھر زندہ کیا جاؤں۔“ [صحيح الجامع الصغير وزيادته/[حرف الألف] -- أنا/حدیث: 1491]

(نبی کریم صلی اللہ علیہ وسلم نے فرمایا:)
”موسیٰ (علیہ السلام) کے دور میں دو آدمیوں نے اپنا نسب بیان کیا، ان میں سے ایک نے کہا: میں فلاں بن فلاں ہوں، یہاں تک کہ اس نے (اپنے کافر آباء میں سے) نو کا نام گنوایا، پھر اس نے کہا: تو کون ہے؟ تیری ماں نہ رہے! دوسرے نے جواب دیا: میں فلاں بن فلاں ہوں اور میں اسلام کا بیٹا ہوں۔ تو اللہ تعالیٰ نے موسیٰ (علیہ السلام) کی طرف وحی فرمائی کہ نسب پر فخر کرنے والے ان دونوں اشخاص سے کہہ دو: اے وہ شخص جس نے جہنم میں جانے والے نو آباء کی طرف اپنی نسبت کی ہے! تو ان میں جہنم میں جانے والا دسواں ہے۔ اور اے وہ شخص جس نے جنت میں جانے والے دو افراد کی طرف اپنی نسبت کی ہے! تو ان کے ساتھ جنت میں جانے والا تیسرا ہے۔“ [صحيح الجامع الصغير وزيادته/[حرف الألف] -- أنا/حدیث: 1492]

(نبی کریم صلی اللہ علیہ وسلم نے فرمایا:)
”جوتے پہنا کرو، اور موزے (خفین) پہنا کرو، اور اہل کتاب کی مخالفت کیا کرو۔“ [صحيح الجامع الصغير وزيادته/[حرف الألف] -- أنا/حدیث: 1493]

(نبی کریم صلی اللہ علیہ وسلم نے فرمایا:)
”اے بنو عبدالمطلب! (زمزم کا) پانی کھینچو، اگر مجھے اس بات کا اندیشہ نہ ہوتا کہ لوگ پانی پلانے کی اس خدمت میں تم پر غالب آ جائیں گے (اور اسے سنت سمجھ کر تم سے یہ حق چھین لیں گے)، تو میں بھی تمہارے ساتھ مل کر پانی کھینچتا۔“ [صحيح الجامع الصغير وزيادته/[حرف الألف] -- أنا/حدیث: 1494]

(نبی کریم صلی اللہ علیہ وسلم نے فرمایا:)
”قرآن مجید سات حروف (قراءتوں) پر نازل کیا گیا ہے۔“ [صحيح الجامع الصغير وزيادته/[حرف الألف] -- أنا/حدیث: 1495]