(نبی کریم صلی اللہ علیہ وسلم نے فرمایا:)
”بیشک زمانہ جاہلیت کے لوگ کہا کرتے تھے کہ سورج اور چاند کو زمین والوں میں سے کسی عظیم شخص کی موت کی وجہ سے ہی گرہن لگتا ہے، حالانکہ سورج اور چاند کو کسی کی موت یا زندگی کی وجہ سے گرہن نہیں لگتا، بلکہ یہ دونوں اللہ کی مخلوقات میں سے دو نشانیاں ہیں۔ اللہ اپنی مخلوق میں جو چاہتا ہے ظاہر فرماتا ہے، پس جب ان دونوں میں سے کسی کو گرہن لگ جائے تو تم نماز پڑھو یہاں تک کہ وہ گرہن ختم ہو جائے یا اللہ تعالیٰ کوئی نیا امر ظاہر فرما دے۔“ [صحيح الجامع الصغير وزيادته/[حرف الألف] -- إن ا/حدیث: 2025]

(نبی کریم صلی اللہ علیہ وسلم نے فرمایا:)
”بیشک جنت والے (اپنے سے اوپر) جنت کے محلات والوں کو اس طرح دیکھیں گے جس طرح تم آسمان میں ستاروں کو دیکھتے ہو۔“ [صحيح الجامع الصغير وزيادته/[حرف الألف] -- إن ا/حدیث: 2026]

(نبی کریم صلی اللہ علیہ وسلم نے فرمایا:)
”بیشک جنت والے اپنے سے اوپر والے محلات میں رہنے والوں کو اس طرح دیکھیں گے جس طرح تم مشرق یا مغرب کے افق پر چمکتے ہوئے دور کے ستارے کو دیکھتے ہو، یہ ان کے درمیان درجات کے فرق اور فضیلت کی وجہ سے ہوگا۔“ [صحيح الجامع الصغير وزيادته/[حرف الألف] -- إن ا/حدیث: 2027]

(نبی کریم صلی اللہ علیہ وسلم نے فرمایا:)
”بیشک اہل جنت کے لیے جنت والوں کے اعمال آسان کر دیے جاتے ہیں، اور بیشک اہل جہنم کے لیے جہنم والوں کے اعمال آسان کر دیے جاتے ہیں۔“ [صحيح الجامع الصغير وزيادته/[حرف الألف] -- إن ا/حدیث: 2028]

(نبی کریم صلی اللہ علیہ وسلم نے فرمایا:)
”بیشک اہل جنت اس میں کھائیں گے اور پیئیں گے، لیکن نہ وہ تھوکیں گے، نہ پیشاب کریں گے، نہ قضاءِ حاجت کریں گے اور نہ ہی ناک سنکیں گے، بلکہ ان کا کھانا ایک ڈکار اور کستوری کی خوشبو جیسے پسینے کی صورت میں ہضم ہو جائے گا، اور ان کے دلوں میں اللہ کی تسبیح اور تحمید اسی طرح الہام کر دی جائے گی جس طرح تمہیں بلا تکلف سانس لینے کا الہام کیا گیا ہے۔“ [صحيح الجامع الصغير وزيادته/[حرف الألف] -- إن ا/حدیث: 2029]

(نبی کریم صلی اللہ علیہ وسلم نے فرمایا:)
”بیشک بلند درجات والوں کو ان سے نیچے والے لوگ اس طرح دیکھیں گے جیسے تم آسمان کے افق پر چمکتے ہوئے ستارے کو دیکھتے ہو، اور بیشک ابوبکر اور عمر انہی میں سے ہیں اور وہ کتنے ہی بہترین ہیں۔“ [صحيح الجامع الصغير وزيادته/[حرف الألف] -- إن ا/حدیث: 2030]

(نبی کریم صلی اللہ علیہ وسلم نے فرمایا:)
”بیشک دنیا میں بھلائی اور نیکی کرنے والے ہی آخرت میں بھلائی پانے والے ہوں گے، اور دنیا میں برائی کرنے والے ہی آخرت میں برائی پانے والے ہوں گے۔“ [صحيح الجامع الصغير وزيادته/[حرف الألف] -- إن ا/حدیث: 2031]

(نبی کریم صلی اللہ علیہ وسلم نے فرمایا:)
”بیشک اہل جہنم اتنا روئیں گے کہ اگر ان کے آنسوؤں میں کشتیاں چلائی جائیں تو وہ بھی چلنے لگیں، اور بیشک وہ آنسوؤں کے بجائے خون روئیں گے۔“ [صحيح الجامع الصغير وزيادته/[حرف الألف] -- إن ا/حدیث: 2032]

(نبی کریم صلی اللہ علیہ وسلم نے فرمایا:)
”بیشک جہنم والوں میں سے سب سے ہلکے عذاب والا وہ شخص ہوگا جسے آگ کے دو جوتے اور دو تسمے پہنائے جائیں گے، جن کی تپش سے اس کا دماغ اس طرح کھولے گا جیسے ہنڈیا ابلتی ہے، وہ سمجھے گا کہ اس سے زیادہ سخت عذاب کسی کو نہیں ہو رہا، حالانکہ وہ جہنم والوں میں سب سے ہلکے عذاب والا ہوگا۔“ [صحيح الجامع الصغير وزيادته/[حرف الألف] -- إن ا/حدیث: 2033]

(نبی کریم صلی اللہ علیہ وسلم نے فرمایا:)
”بیشک قیامت کے دن اہل جہنم میں سے سب سے ہلکے عذاب والا وہ شخص ہوگا جسے آگ کے دو جوتے پہنائے جائیں گے، جن کی تپش سے قیامت کے دن اس کا دماغ ابل رہا ہوگا۔“ [صحيح الجامع الصغير وزيادته/[حرف الألف] -- إن ا/حدیث: 2034]