(نبی کریم صلی اللہ علیہ وسلم نے فرمایا:)
”سعد بن معاذ کی موت (یعنی وفات) پر رحمان کا عرش جھوم اٹھا۔“ [صحيح الجامع الصغير وزيادته/[حرف الألف] -- اه/حدیث: 2521]

(نبی کریم صلی اللہ علیہ وسلم نے فرمایا:)
”تم مشرکین کی ہجو (مذمت میں اشعار) کہو، بلاشبہ روح القدس (یعنی جبریل علیہ السلام) تمہارے ساتھ ہیں۔“ یہ بات آپ صلی اللہ علیہ وسلم نے حضرت حسان (رضی اللہ عنہ) سے فرمائی۔ [صحيح الجامع الصغير وزيادته/[حرف الألف] -- اه/حدیث: 2522]

(نبی کریم صلی اللہ علیہ وسلم نے فرمایا:)
”قریش کی ہجو بیان کرو، کیونکہ یہ (اشعار) ان پر تیروں کی بوچھاڑ سے بھی زیادہ سخت (اور تکلیف دہ) ہیں۔“ [صحيح الجامع الصغير وزيادته/[حرف الألف] -- اه/حدیث: 2523]

(نبی کریم صلی اللہ علیہ وسلم نے فرمایا:)
”مجھ پر پانی کے ایسے سات مشکیزے بہاؤ جن کے منہ ابھی تک نہ کھولے گئے ہوں (یعنی تازہ بھرے ہوئے ہوں)، تاکہ میں (غسل کر کے باہر جاؤں اور) لوگوں کو کچھ وصیت کر سکوں۔“ [صحيح الجامع الصغير وزيادته/[حرف الألف] -- اه/حدیث: 2524]

(نبی کریم صلی اللہ علیہ وسلم نے فرمایا:)
”جنتی لوگ بغیر جسمانی بالوں کے، بے ریش (جن کی داڑھی نہ ہو) اور سرمگیں آنکھوں والے ہوں گے۔ نہ کبھی ان کی جوانی ختم ہوگی اور نہ ہی ان کے کپڑے پرانے ہوں گے۔“ [صحيح الجامع الصغير وزيادته/[حرف الألف] -- اه/حدیث: 2525]

(نبی کریم صلی اللہ علیہ وسلم نے فرمایا:)
”اہلِ جنت کی ایک سو بیس صفیں ہوں گی، جن میں سے اسی (80) صفیں اس (میری) امت میں سے ہوں گی، اور باقی چالیس دیگر تمام امتوں میں سے ہوں گی۔“ [صحيح الجامع الصغير وزيادته/[حرف الألف] -- اه/حدیث: 2526]

(نبی کریم صلی اللہ علیہ وسلم نے فرمایا:)
”جنتی وہ شخص ہے جس کے کانوں کو اللہ تعالیٰ لوگوں کی جانب سے کی جانے والی اس کی نیک نامی اور تعریف سے بھر دے اور وہ اسے سن رہا ہو، اور جہنمی وہ شخص ہے جس کے کانوں کو اللہ تعالیٰ لوگوں کی جانب سے کی جانے والی برائی سے بھر دے اور وہ اسے سن رہا ہو۔“ [صحيح الجامع الصغير وزيادته/[حرف الألف] -- اه/حدیث: 2527]

(نبی کریم صلی اللہ علیہ وسلم نے فرمایا:)
”قرآن والے (یعنی اس کی تلاوت کرنے اور اس پر عمل کرنے والے) ہی اللہ والے اور اس کے خاص مقرب بندے ہیں۔“ [صحيح الجامع الصغير وزيادته/[حرف الألف] -- اه/حدیث: 2528]

(نبی کریم صلی اللہ علیہ وسلم نے فرمایا:)
”جہنمی ہر وہ شخص ہے جو درشت مزاج، بخیل، پیٹو اور تکبر کرنے والا ہو، اور جنتی وہ لوگ ہیں جو (دنیا والوں کی نظر میں) کمزور اور مغلوب (دبے ہوئے) ہوں۔“ [صحيح الجامع الصغير وزيادته/[حرف الألف] -- اه/حدیث: 2529]

(نبی کریم صلی اللہ علیہ وسلم نے فرمایا:)
”اہلِ یمن کے دل بہت نرم اور ان کے قلوب نہایت گداز ہیں، اور وہ بہت زیادہ فرماں بردار ہیں۔“ [صحيح الجامع الصغير وزيادته/[حرف الألف] -- اه/حدیث: 2530]