(نبی کریم صلی اللہ علیہ وسلم نے فرمایا:)
”جو کوئی عورت خوشبو لگا کر نکلے، پھر وہ لوگوں (غیر محرم مردوں) کے پاس سے گزرے تاکہ وہ اس کی خوشبو محسوس کریں، تو وہ زانیہ ہے، اور (اسے ہوس کی نگاہ سے دیکھنے والی) ہر آنکھ زانیہ ہے۔“ [صحيح الجامع الصغير وزيادته/[حرف الألف] -- اه/حدیث: 2701]

(نبی کریم صلی اللہ علیہ وسلم نے فرمایا:)
”جو عورت (خوشبو کی) دھونی لے، وہ ہمارے ساتھ عشاء کی نماز میں حاضر نہ ہو۔“ [صحيح الجامع الصغير وزيادته/[حرف الألف] -- اه/حدیث: 2702]

(نبی کریم صلی اللہ علیہ وسلم نے فرمایا:)
”جو عورت خوشبو لگا کر مسجد کی طرف نکلے، اس کی نماز اس وقت تک قبول نہیں ہوتی جب تک کہ وہ (خوشبو کا اثر زائل کرنے کے لیے غسلِ جنابت کی طرح) غسل نہ کر لے۔“ [صحيح الجامع الصغير وزيادته/[حرف الألف] -- اه/حدیث: 2703]

(نبی کریم صلی اللہ علیہ وسلم نے فرمایا:)
”جس عورت کا شوہر فوت ہو جائے اور وہ اس کے بعد (کسی اور سے) نکاح کر لے، تو وہ (جنت میں) اپنے آخری شوہر کے لیے ہوگی۔“ [صحيح الجامع الصغير وزيادته/[حرف الألف] -- اه/حدیث: 2704]

(نبی کریم صلی اللہ علیہ وسلم نے فرمایا:)
”جس عورت نے اپنے سر میں ایسے بال ملائے جو اس کے (اپنے) نہیں ہیں، تو بے شک یہ سراسر فریب ہے جس کا وہ اضافہ کر رہی ہے۔“ [صحيح الجامع الصغير وزيادته/[حرف الألف] -- اه/حدیث: 2705]

(نبی کریم صلی اللہ علیہ وسلم نے فرمایا:)
”جو عورت بغیر کسی شرعی عذر اور مجبوری کے اپنے شوہر سے طلاق کا مطالبہ کرے، اس پر جنت کی خوشبو بھی حرام ہے۔“ [صحيح الجامع الصغير وزيادته/[حرف الألف] -- اه/حدیث: 2706]

(نبی کریم صلی اللہ علیہ وسلم نے فرمایا:)
”جس عورت کے تین بچے فوت ہو جائیں، تو وہ اس کے لیے جہنم کی آگ سے رکاوٹ (اور ڈھال) بن جائیں گے۔“ [صحيح الجامع الصغير وزيادته/[حرف الألف] -- اه/حدیث: 2707]

(نبی کریم صلی اللہ علیہ وسلم نے فرمایا:)
”جس عورت نے اپنے گھر کے علاوہ کسی اور جگہ (بغیر کسی شرعی ضرورت کے) اپنے کپڑے اتارے، تو اللہ عزوجل اس پر سے اپنا پردہ ہٹا دے گا (یعنی اس کی حفاظت اور پردہ پوشی ختم کر دے گا)۔“ [صحيح الجامع الصغير وزيادته/[حرف الألف] -- اه/حدیث: 2708]

(نبی کریم صلی اللہ علیہ وسلم نے فرمایا:)
”جس عورت نے اپنے ولی کی اجازت کے بغیر نکاح کیا، اس کا نکاح باطل ہے، اس کا نکاح باطل ہے، اس کا نکاح باطل ہے۔ پس اگر اس (مرد) نے اس کے ساتھ خلوت (ہمبستری) کر لی تو اس کی شرمگاہ کو حلال کرنے کے عوض اس عورت کے لیے مہر لازم ہے۔ پھر اگر ان (ولیوں) کا آپس میں جھگڑا ہو جائے تو جس کا کوئی ولی نہ ہو، مسلمان حکمران اس کا ولی ہے۔“ [صحيح الجامع الصغير وزيادته/[حرف الألف] -- اه/حدیث: 2709]

(نبی کریم صلی اللہ علیہ وسلم نے فرمایا:)
”جس عورت نے اپنے شوہر کے گھر کے علاوہ کسی اور جگہ اپنے کپڑے اتارے، تو تحقیق اس نے اپنے اور اللہ عزوجل کے درمیان موجود پردے کو چاک کر دیا۔“ [صحيح الجامع الصغير وزيادته/[حرف الألف] -- اه/حدیث: 2710]