(نبی کریم صلی اللہ علیہ وسلم نے فرمایا:)
”کوئی قوم ایسی نہیں جس میں گناہ کیے جائیں اور وہ گناہ کرنے والوں سے زیادہ باعزت اور زیادہ تعداد میں ہوں پھر وہ اسے نہ بدلیں مگر اللہ تعالیٰ انہیں اس کی وجہ سے عام عذاب میں مبتلا کر دیتا ہے۔“ [صحيح الجامع الصغير وزيادته/حرف الميم./حدیث: 5749]

(نبی کریم صلی اللہ علیہ وسلم نے فرمایا:)
”جو لوگ کسی ایسی مجلس سے اٹھیں جس میں انہوں نے اللہ تعالیٰ کا ذکر نہ کیا ہو تو وہ گویا گدھے کی سڑی ہوئی لاش سے اٹھے ہیں، اور وہ مجلس قیامت کے دن ان کے لیے حسرت کا باعث ہوگی۔“ [صحيح الجامع الصغير وزيادته/حرف الميم./حدیث: 5750]

(نبی کریم صلی اللہ علیہ وسلم نے فرمایا:)
”ہر پانی سے بچہ پیدا نہیں ہوتا، اور جب اللہ کسی چیز کو پیدا کرنے کا ارادہ فرما لے تو کوئی چیز اسے روک نہیں سکتی۔“ [صحيح الجامع الصغير وزيادته/حرف الميم./حدیث: 5751]

(نبی کریم صلی اللہ علیہ وسلم نے فرمایا:)
”ہر مومن پر دنیا اور آخرت میں میرا حق سب سے زیادہ ہے، اگر تم چاہو تو یہ آیت پڑھ لو: ”نبی مومنوں پر ان کی جانوں سے بھی زیادہ حق رکھتے ہیں“، پس جو مومن مر جائے اور مال چھوڑے تو اس کا وارث اس کے عصبات ہوں گے، جو بھی ہوں، اور جو قرض یا لاچار اہل و عیال چھوڑ جائے تو وہ میرے پاس آئے، میں اس کا ولی (سرپرست) ہوں۔“ [صحيح الجامع الصغير وزيادته/حرف الميم./حدیث: 5752]

(نبی کریم صلی اللہ علیہ وسلم نے فرمایا:)
”جو شخص اللہ کی راہ میں زخمی ہو - اور اللہ ہی بہتر جانتا ہے کہ کون اس کی راہ میں زخمی ہوتا ہے - تو وہ قیامت کے دن اس حال میں آئے گا کہ اس کا زخم اسی طرح ہوگا جس طرح زخمی ہونے کے دن تھا، رنگ خون کا رنگ ہوگا اور خوشبو مشک کی خوشبو ہوگی۔“ [صحيح الجامع الصغير وزيادته/حرف الميم./حدیث: 5753]

(نبی کریم صلی اللہ علیہ وسلم نے فرمایا:)
”جو مسلمان اللہ کے ذکر کی حالت میں باوضو رات گزارے، پھر رات کو بیدار ہو کر دنیا و آخرت کے کسی معاملے میں اللہ تعالیٰ سے بھلائی مانگے تو اللہ اسے وہ ضرور عطا فرماتا ہے۔“ [صحيح الجامع الصغير وزيادته/حرف الميم./حدیث: 5754]

(نبی کریم صلی اللہ علیہ وسلم نے فرمایا:)
”جو مسلمان طہارت حاصل کرے اور اس طہارت کو مکمل کرے جو اللہ نے اس پر فرض کی ہے، پھر یہ پانچوں نمازیں پڑھے تو یہ نمازیں ان کے درمیان (کے گناہوں) کا کفارہ بن جاتی ہیں۔“ [صحيح الجامع الصغير وزيادته/حرف الميم./حدیث: 5755]

(نبی کریم صلی اللہ علیہ وسلم نے فرمایا:)
”جو مسلمان وضو کرے اور اچھی طرح وضو کرے، پھر کھڑا ہو کر دو رکعتیں پڑھے جن میں وہ اپنے دل اور چہرے سے پوری توجہ سے متوجہ ہو تو اس کے لیے جنت واجب ہو جاتی ہے۔“ [صحيح الجامع الصغير وزيادته/حرف الميم./حدیث: 5756]

(نبی کریم صلی اللہ علیہ وسلم نے فرمایا:)
”جو مسلمان کوئی کھیتی بوئے یا کوئی پودا لگائے، پھر اس میں سے کوئی پرندہ، انسان یا جانور کھائے تو یہ اس کے لیے صدقہ بن جاتا ہے۔“ [صحيح الجامع الصغير وزيادته/حرف الميم./حدیث: 5757]

(نبی کریم صلی اللہ علیہ وسلم نے فرمایا:)
”جو مسلمان کسی کانٹے یا اس سے بڑی کسی تکلیف میں مبتلا ہو تو اس کی وجہ سے اس کے لیے ایک درجہ لکھا جاتا ہے اور اس کا ایک گناہ مٹا دیا جاتا ہے۔“ [صحيح الجامع الصغير وزيادته/حرف الميم./حدیث: 5758]