(نبی کریم صلی اللہ علیہ وسلم نے فرمایا:)
”جو شخص اس گھر کا حج کرے۔۔۔ تو اس کا آخری کام بیت اللہ کا طواف ہونا چاہیے۔“ [صحيح الجامع الصغير وزيادته/حرف الميم./حدیث: 6198]

(نبی کریم صلی اللہ علیہ وسلم نے فرمایا:)
”جو شخص مجھ سے کوئی ایسی حدیث بیان کرے جسے وہ جھوٹی سمجھتا ہو تو وہ بھی جھوٹوں میں سے ایک ہے۔“ [صحيح الجامع الصغير وزيادته/حرف الميم./حدیث: 6199]

(نبی کریم صلی اللہ علیہ وسلم نے فرمایا:)
”جو شخص کنواں کھودے تو اس کے گرد چالیس ہاتھ کی جگہ اس کے مویشیوں کے لیے چراگاہ کے طور پر اسی کی ہے۔“ [صحيح الجامع الصغير وزيادته/حرف الميم./حدیث: 6200]

(نبی کریم صلی اللہ علیہ وسلم نے فرمایا:)
”جو شخص سورۃ الکہف کی ابتدائی دس آیات یاد کر لے وہ دجال کے فتنے سے محفوظ رہے گا۔“ [صحيح الجامع الصغير وزيادته/حرف الميم./حدیث: 6201]

(نبی کریم صلی اللہ علیہ وسلم نے فرمایا:)
”جو شخص اپنے جبڑوں کے درمیان اور اپنی ٹانگوں کے درمیان کی حفاظت کرے وہ جنت میں داخل ہوگا۔“ [صحيح الجامع الصغير وزيادته/حرف الميم./حدیث: 6202]

(نبی کریم صلی اللہ علیہ وسلم نے فرمایا:)
”جو شخص امانت کی قسم کھائے وہ ہم میں سے نہیں۔“ [صحيح الجامع الصغير وزيادته/حرف الميم./حدیث: 6203]

(نبی کریم صلی اللہ علیہ وسلم نے فرمایا:)
”جو شخص اللہ کے سوا کسی اور کی قسم کھائے تو اس نے شرک کیا۔“ [صحيح الجامع الصغير وزيادته/حرف الميم./حدیث: 6204]

(نبی کریم صلی اللہ علیہ وسلم نے فرمایا:)
”جو شخص میرے اس منبر کے پاس کوئی گناہ والی جھوٹی قسم کھائے تو وہ اپنا ٹھکانہ جہنم میں بنا لے، خواہ وہ ایک ہری مسواک ہی کے بارے میں کیوں نہ ہو۔“ [صحيح الجامع الصغير وزيادته/حرف الميم./حدیث: 6205]

(نبی کریم صلی اللہ علیہ وسلم نے فرمایا:)
”جو شخص قسم کھائے اور ان شاء اللہ کہہ دے تو اگر چاہے وہ اس پر عمل کرے اور اگر چاہے چھوڑ دے، اس پر قسم توڑنے کا گناہ نہیں ہوگا۔“ [صحيح الجامع الصغير وزيادته/حرف الميم./حدیث: 6206]

(نبی کریم صلی اللہ علیہ وسلم نے فرمایا:)
”جو شخص کوئی پکی قسم کھا کر کسی مسلمان کا مال ہتھیائے جبکہ وہ اس میں جھوٹا ہو تو وہ اللہ سے اس حال میں ملے گا کہ وہ اس پر ناراض ہوگا۔“ [صحيح الجامع الصغير وزيادته/حرف الميم./حدیث: 6207]