(نبی کریم صلی اللہ علیہ وسلم نے فرمایا:)
”جس نے اپنی تین اولاد کو دفن کیا اللہ تعالیٰ اس پر آگ حرام کر دے گا۔“ [صحيح الجامع الصغير وزيادته/حرف الميم./حدیث: 6238]

(نبی کریم صلی اللہ علیہ وسلم نے فرمایا:)
”جس نے کسی نیکی کا راستہ دکھایا اسے اس کے کرنے والے جتنا اجر ملے گا۔“ [صحيح الجامع الصغير وزيادته/حرف الميم./حدیث: 6239]

(نبی کریم صلی اللہ علیہ وسلم نے فرمایا:)
”جس نے غیبت سے اپنے بھائی کی عزت کا دفاع کیا تو اللہ تعالیٰ پر یہ حق ہے کہ وہ اسے آگ سے آزاد کر دے۔“ [صحيح الجامع الصغير وزيادته/حرف الميم./حدیث: 6240]

(نبی کریم صلی اللہ علیہ وسلم نے فرمایا:)
”جس نے نماز کے بعد قربانی کی اس کی قربانی مکمل ہوئی اور اس نے مسلمانوں کے طریقے کو پا لیا۔“ [صحيح الجامع الصغير وزيادته/حرف الميم./حدیث: 6241]

(نبی کریم صلی اللہ علیہ وسلم نے فرمایا:)
”جس نے نماز سے پہلے قربانی کی وہ اپنے لیے ہی ذبح کرتا ہے، اور جس نے نماز کے بعد قربانی کی اس کی قربانی مکمل ہوئی اور اس نے مسلمانوں کے طریقے کو پا لیا۔“ [صحيح الجامع الصغير وزيادته/حرف الميم./حدیث: 6242]

(نبی کریم صلی اللہ علیہ وسلم نے فرمایا:)
”جسے روزے کی حالت میں (بلا ارادہ) قے آجائے اس پر قضا نہیں، اور جو خود قے کرے وہ قضا کرے۔“ [صحيح الجامع الصغير وزيادته/حرف الميم./حدیث: 6243]

(نبی کریم صلی اللہ علیہ وسلم نے فرمایا:)
”جس نے کسی آدمی کا ایسا ذکر کیا جو اس میں واقعی پایا جاتا ہے تو اس نے اس کی غیبت کی۔“ [صحيح الجامع الصغير وزيادته/حرف الميم./حدیث: 6244]

(نبی کریم صلی اللہ علیہ وسلم نے فرمایا:)
”جس کے پاس میرا ذکر ہو اور وہ مجھ پر درود بھیجنے میں کوتاہی کرے اس نے جنت کا راستہ گم کر دیا۔“ [صحيح الجامع الصغير وزيادته/حرف الميم./حدیث: 6245]

(نبی کریم صلی اللہ علیہ وسلم نے فرمایا:)
”جس کے پاس میرا ذکر ہو وہ مجھ پر درود بھیجے، کیونکہ جو مجھ پر ایک بار درود بھیجتا ہے اللہ تعالیٰ اس پر دس بار رحمت بھیجتا ہے۔“ [صحيح الجامع الصغير وزيادته/حرف الميم./حدیث: 6246]

(نبی کریم صلی اللہ علیہ وسلم نے فرمایا:)
”جو سانپ دیکھے اور اس کے تعاقب کے خوف سے اسے قتل نہ کرے وہ ہم میں سے نہیں۔“ [صحيح الجامع الصغير وزيادته/حرف الميم./حدیث: 6247]