(نبی کریم صلی اللہ علیہ وسلم نے فرمایا:)
”جو شخص قسم کھائے پھر اس سے بہتر کوئی اور بات دیکھے تو وہ بہتر بات پر عمل کرے اور اپنی قسم کا کفارہ ادا کر دے۔“ [صحيح الجامع الصغير وزيادته/حرف الميم./حدیث: 6208]

(نبی کریم صلی اللہ علیہ وسلم نے فرمایا:)
”جو شخص قسم کھائے اور کہے: ان شاء اللہ، تو اس نے استثنا کر لیا۔“ [صحيح الجامع الصغير وزيادته/حرف الميم./حدیث: 6209]

(نبی کریم صلی اللہ علیہ وسلم نے فرمایا:)
”جو شخص قسم کھائے اور کہے: ان شاء اللہ، تو اسے اختیار ہے، اگر چاہے وہ اس پر عمل کرے اور اگر چاہے چھوڑ دے۔“ [صحيح الجامع الصغير وزيادته/حرف الميم./حدیث: 6210]

(نبی کریم صلی اللہ علیہ وسلم نے فرمایا:)
”جو شخص قسم کھائے اور کہے: ان شاء اللہ، تو اسے اختیار ہے، اگر چاہے وہ اس پر عمل کرے اور اگر چاہے چھوڑ دے، اس پر قسم توڑنے کا گناہ نہیں ہوگا۔“ [صحيح الجامع الصغير وزيادته/حرف الميم./حدیث: 6211]

(نبی کریم صلی اللہ علیہ وسلم نے فرمایا:)
”جو شخص قسم کھائے اور کہے: ان شاء اللہ، تو اس پر قسم توڑنے کا کوئی گناہ نہیں۔“ [صحيح الجامع الصغير وزيادته/حرف الميم./حدیث: 6212]

(نبی کریم صلی اللہ علیہ وسلم نے فرمایا:)
”جو شخص کسی پکی قسم پر جھوٹی اور جان بوجھ کر قسم کھائے تاکہ اس کے ذریعے اپنے مسلمان بھائی کا مال ہتھیائے تو وہ اپنا ٹھکانہ جہنم میں بنا لے۔“ [صحيح الجامع الصغير وزيادته/حرف الميم./حدیث: 6213]

(نبی کریم صلی اللہ علیہ وسلم نے فرمایا:)
”جو شخص قسم کھانا چاہے تو وہ رب کعبہ کی قسم کھائے۔“ [صحيح الجامع الصغير وزيادته/حرف الميم./حدیث: 6214]

(نبی کریم صلی اللہ علیہ وسلم نے فرمایا:)
”جو شخص قطع رحمی پر یا کسی ایسی بات پر قسم کھائے جو درست نہ ہو تو اس کی نیکی اسی میں ہے کہ وہ اسے پورا نہ کرے۔“ [صحيح الجامع الصغير وزيادته/حرف الميم./حدیث: 6215]

(نبی کریم صلی اللہ علیہ وسلم نے فرمایا:)
”تم میں سے جو شخص قسم کھاتے ہوئے کہہ دے: لات اور عزیٰ کی قسم! تو وہ فوراً کہے: «لَا إِلَهَ إِلَّا اللَّهُ» (اللہ کے سوا کوئی سچا معبود نہیں)، اور جو اپنے ساتھی سے کہے: آؤ جوا کھیلیں، تو وہ اس کے کفارے میں کچھ صدقہ کر دے۔“ [صحيح الجامع الصغير وزيادته/حرف الميم./حدیث: 6216]

(نبی کریم صلی اللہ علیہ وسلم نے فرمایا:)
”جو شخص ہمارے خلاف ہتھیار اٹھائے وہ ہم میں سے نہیں۔“ [صحيح الجامع الصغير وزيادته/حرف الميم./حدیث: 6217]