(نبی کریم صلی اللہ علیہ وسلم نے فرمایا:)
”جب تک تم مجھے نہ دیکھ لو کھڑے نہ ہو۔“ [صحيح الجامع الصغير وزيادته/حرف الياء/حدیث: 7891]

(نبی کریم صلی اللہ علیہ وسلم نے فرمایا:)
”اے بلال! نماز کھڑی کرو، اس کے ذریعے ہمیں راحت پہنچاؤ۔“ [صحيح الجامع الصغير وزيادته/حرف الياء/حدیث: 7892]

(نبی کریم صلی اللہ علیہ وسلم نے فرمایا:)
”اے بلال! کھڑے ہو کر اعلان کر دو: جنت میں صرف مومن ہی داخل ہو گا، اور اللہ اس دین کو بدکار آدمی کے ذریعے بھی تقویت پہنچاتا ہے۔“ [صحيح الجامع الصغير وزيادته/حرف الياء/حدیث: 7893]

(نبی کریم صلی اللہ علیہ وسلم نے فرمایا:)
”اے بلال! تم کس عمل کی وجہ سے جنت میں مجھ سے آگے نکل گئے؟ میں جب بھی جنت میں داخل ہوا مجھے اپنے آگے تمہارے جوتوں کی آہٹ سنائی دی۔ میں کل رات جنت میں داخل ہوا تو مجھے اپنے آگے تمہارے جوتوں کی آہٹ سنائی دی، پھر میں ایک چوکور، بلند و بالا سونے کے محل کے پاس آیا تو میں نے پوچھا: یہ محل کس کا ہے؟ کہا گیا: قریش کے ایک آدمی کا۔ میں نے کہا: میں تو قریشی ہوں، یہ محل کس کا ہے؟ کہا گیا: محمد صلی اللہ علیہ وسلم کی امت کے ایک آدمی کا۔ میں نے کہا: میں تو محمد ہوں، یہ محل کس کا ہے؟ کہا گیا: عمر بن خطاب کا۔“ [صحيح الجامع الصغير وزيادته/حرف الياء/حدیث: 7894]

(نبی کریم صلی اللہ علیہ وسلم نے فرمایا:)
”اے ابوامیہ کی بیٹی! تم نے عصر کے بعد کی دو رکعتوں کے بارے میں پوچھا، عبدالقیس قبیلے کے کچھ لوگ میرے پاس آئے تھے جنہوں نے مجھے ظہر کے بعد کی دو رکعتوں سے مشغول کر دیا تھا، پس یہی وہ رکعتیں ہیں۔“ [صحيح الجامع الصغير وزيادته/حرف الياء/حدیث: 7895]

(نبی کریم صلی اللہ علیہ وسلم نے فرمایا:)
”اے بنو بیاضہ! ابوہند سے اپنی بیٹیوں کا نکاح کرو اور ان کے ہاں اپنے بیٹوں کا نکاح کراؤ۔“ [صحيح الجامع الصغير وزيادته/حرف الياء/حدیث: 7896]

(نبی کریم صلی اللہ علیہ وسلم نے فرمایا:)
”اے بنو سلمہ! کیا تم مسجد تک اپنے قدموں کے نشانات کا ثواب نہیں سمجھتے؟“ [صحيح الجامع الصغير وزيادته/حرف الياء/حدیث: 7897]

(نبی کریم صلی اللہ علیہ وسلم نے فرمایا:)
”اے بنو سلمہ! اپنے گھروں میں ہی رہو، تمہارے قدموں کے نشانات لکھے جاتے ہیں۔“ [صحيح الجامع الصغير وزيادته/حرف الياء/حدیث: 7898]

(نبی کریم صلی اللہ علیہ وسلم نے فرمایا:)
”اے بنو عبدالمطلب! حاجیوں کو پانی پلانا تمہارا ہی کام رہے گا، اور اگر یہ خطرہ نہ ہوتا کہ لوگ اس میں تم پر غالب آ جائیں گے تو میں خود بھی تمہارے ساتھ پانی نکالتا۔“ [صحيح الجامع الصغير وزيادته/حرف الياء/حدیث: 7899]

(نبی کریم صلی اللہ علیہ وسلم نے فرمایا:)
”اے بنو عبدِ مناف! کسی کو بھی اس گھر کعبہ کا طواف کرنے اور جس گھڑی چاہے رات یا دن میں نماز پڑھنے سے نہ روکو۔“ [صحيح الجامع الصغير وزيادته/حرف الياء/حدیث: 7900]