الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
| من كتاب الاطعمة کھانا کھانے کے آداب 20. باب في فَضْلِ الزَّيْتِ: زیتون کے تیل کی فضیلت کا بیان
سیدنا ابواسید انصاری رضی اللہ عنہ نے کہا: رسول اللہ صلی اللہ علیہ وسلم نے فرمایا: ”زیتون کا تیل کھاؤ، بیشک وہ بابرکت ہے، اور اس سے سالن بناؤ، اس کا تیل لگاؤ کیونکہ وہ برکت والے درخت سے ہے۔“
تخریج الحدیث: «إسناده حسن، [مكتبه الشامله نمبر: 2096]»
اس حدیث کی سند حسن ہے۔ دیکھئے: [ترمذي 1852، 1853]، [ابن ماجه 3319، 3320]، [نسائي فى الكبرىٰ 6603]، [أحمد 497/3]، [طبراني 597]، [الحاكم 397/2]، [بغوي فى شرح السنة 2870] وضاحت:
(تشریح حدیث 2088) اس حدیث میں زیت یعنی مطلق تیل کا ذکر ہے لیکن اس سے مراد زیت زیتون یا روغنِ زیتون ہے جس کا استعمال کھانے پینے اور سر و بدن میں لگانے کیلئے ہوتا ہے۔ زیتون کے تیل کے بڑے فوائد ہیں، اس کا ذکر اللہ تعالیٰ نے قرآن پاک کے سورۂ نور میں کیا ہے کہ وہ برکت والے درخت سے ہے۔ دیکھئے: آیت نمبر 35۔ قال الشيخ حسين سليم أسد الداراني: إسناده حسن
 |