حضرت ابراہیم فرماتے ہیں کہ اگر عبد ماذون مفلس ہوجائے، تو اس کا قرض اس کی گردن پر ہے، اس کے آقا کو اختیار ہے اگر چاہے تو اس غلام کو فروخت کر دے اور قیمتقرض خواہوں کے درمیان تقسیم کر دے، آقا پر اس کے ثمن سے زائد کچھ لازم نہیں ہے۔ [مصنف ابن ابي شيبه/كتاب البيوع والأقضية/حدیث: 22597]

حضرت حسن فرماتے ہیں کہ اگر قرض خواہ اس کو فروخت کرنا چاہیں تو فروخت کردیں، اگر اس سے کام کروانا چاہیں تو کام کروا لیں۔ [مصنف ابن ابي شيبه/كتاب البيوع والأقضية/حدیث: 22598]

حضرت شعبی رحمہ اللہ اور حضرت شریح رحمہ اللہ فرماتے ہیں کہ اگر قرض خواہ اس کو فروخت کرنا چاہیں تو فروخت کردیں، اگر اس سے کام کروانا چاہیں تو کام کروا لیں۔ [مصنف ابن ابي شيبه/كتاب البيوع والأقضية/حدیث: 22599]

حضرت حکم رحمہ اللہ فرماتے ہیں کہ جب تک قرض اس کی پوری ملکیت کو نہ گھیر لے تب تک اس کو فروخت نہیں کریں گے۔ [مصنف ابن ابي شيبه/كتاب البيوع والأقضية/حدیث: 22601]

حضرت عبد الرحمن بن اذنیہ رحمہ اللہ کے پاس ایک غلام لایا گیا جو مقروض تھا، آپ نے فرمایا: اس کا مال اس کے قرض کے ساتھ ہے، اس کا مال اس کے قرض کے ساتھ ہے۔ [مصنف ابن ابي شيبه/كتاب البيوع والأقضية/حدیث: 22602]

حضرت ابن سیرین رحمہ اللہ فرماتے ہیں کہ اس کا قرض اس کے ثمن میں ہے۔ [مصنف ابن ابي شيبه/كتاب البيوع والأقضية/حدیث: 22603]

حضرت ابراہیم رحمہ اللہ فرماتے ہیں کہ غلام کو قرض میں فروخت نہیں کریں گے، اگرچہ اس پر ایک لاکھ قرض ہو۔ [مصنف ابن ابي شيبه/كتاب البيوع والأقضية/حدیث: 22604]

حضرت ابراہیم فرماتے ہیں کہ قرض میں غلام سے کام کروایا جائے گا اس کو فروخت نہیں کیا جائے گا۔ [مصنف ابن ابي شيبه/كتاب البيوع والأقضية/حدیث: 22605]

حضرت شریح رحمہ اللہ فرماتے ہیں اگر غلام کو آقا قرض لینے کی اجازت دے دے تو اس کے لئے جائز ہے کہ وہ قرض خواہوں کے لئے غلام کو فروخت کرے۔ [مصنف ابن ابي شيبه/كتاب البيوع والأقضية/حدیث: 22606]