حضرت سماک بن یزید فرماتے ہیں کہ حضرت علی رضی اللہ عنہاپنی داڑھی کے اس حصہ سے بال اتارتے تھے جو حصہ ان کے چہرہ سے ملا ہوا تھا۔ [مصنف ابن ابي شيبه/ كتاب الأدب/حدیث: 27126]

حضرت ابو زرعہ فرماتے ہیں کہ حضرت ابوہریرہ اپنی داڑھی کو مٹھی میں پکڑتے تھے، پھر جو حصہ مٹھی سے زائد ہوتا اس کو کاٹ دیتے۔ [مصنف ابن ابي شيبه/ كتاب الأدب/حدیث: 27127]

حضرت منصور فرماتے ہیں کہ میں نے حضرت عطاء بن ابی رباح کو فرماتے ہوئے سنا کہ صحابہ پسند کرتے تھے کہ وہ اپنی داڑھیوں کو بڑھائیں سوائے حج یا عمرے میں، اور حضرت ابراہیم اپنے داڑھی کے کنارے چھانٹ لیتے تھے۔ [مصنف ابن ابي شيبه/ كتاب الأدب/حدیث: 27128]

حضرت ابن طاؤس فرماتے ہیں کہ ان کے والد حضرت طاؤس اپنی داڑھی کو چھانٹ لیتے تھے اور وہ اس میں رعایت نہیں کرتے تھے۔ [مصنف ابن ابي شيبه/ كتاب الأدب/حدیث: 27130]

حضرت اشعث فرماتے ہیں کہ حضرت حسن نے ارشاد فرمایا: صحابہ ایک قبضہ سے زیادہ داڑھی میں رخصت دیتے تھے کہ اس کو چھانٹ لیا جائے۔ [مصنف ابن ابي شيبه/ كتاب الأدب/حدیث: 27131]

حضرت افلح فرماتے ہیں کہ حضرت قاسم جب اپنا سر منڈواتے تو اپنی داڑھی اور مونچھ کو بھی چھانٹ لیتے تھے۔ [مصنف ابن ابي شيبه/ كتاب الأدب/حدیث: 27132]

حضرت نافع فرماتے ہیں کہ حضرت ابن عمر رضی اللہ عنہما ایک قبضہ سے زائد داڑھی کو چھانٹ لیتے تھے اور حضرت وکیع نے یہ الفاظ بیان فرمائے کہ جب داڑھی قبضہ سے تجاوز کر جاتی تو ا س کو چھانٹ لیتے۔ [مصنف ابن ابي شيبه/ كتاب الأدب/حدیث: 27133]

حضرت قتادہ فرماتے ہیں کہ حضرت جابر نے ارشاد فرمایا: ہم داڑھی کی لمبائی کو سوائے حج یا عمرے کے نہیں چھانٹتے تھے۔ [مصنف ابن ابي شيبه/ كتاب الأدب/حدیث: 27135]