سیدنا (عبداللہ) ابن مسعود رضی اللہ عنہما فرماتے ہیں: قیامت کے دن ” نصف النہار “ (آدھا دن) سے پہلے پہلے جنتی جنت میں اور دوزخی دوزخ قیلولہ کر چکے ہوں گے۔ پھر یہ آیت تلاوت کی: اِنَّ مَرْجِعَھُمْ لَا اِلَی الْجَحِیْمِ (الصافات: 68) ” پھر ان کی بازگشت ضرور بھڑکتی آگ کی طرف ہے۔ “۔ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3558]

سیدنا انس بن مالک رضی اللہ عنہ فرماتے ہیں: رسول اللہ صلی اللہ علیہ وسلم سے پوچھا گیا: جہنمیوں کو چہروں کے بل کیسے چلایا جائے گا؟ آپ صلی اللہ علیہ وسلم نے فرمایا: جو ذات ان کو قدموں کے بل چلانے پر قادر ہے وہ سر کے بل بھی چلا سکتی ہے۔ [المستدرك على الصحيحين/كِتَابُ التَّفْسِيرِ/حدیث: 3559]

سیدنا انس بن مالک رضی اللہ عنہ فرماتے ہیں: رسول اللہ صلی اللہ علیہ وسلم سے پوچھا گیا: جہنمیوں کو چہروں کے بل کیسے چلایا جائے گا؟ آپ صلی اللہ علیہ وسلم نے فرمایا: جو ذات ان کو قدموں کے بل چلانے پر قادر ہے وہ سر کے بل بھی چلا سکتی ہے۔ ٭٭ اگر دونوں سندوں کو جمع کر لیا جائے تو مذکورہ حدیث صحیح الاسناد ہے۔ تاہم امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3560]

سیدہ ام سلمہ رضی اللہ عنہا فرماتی ہیں: رسول اللہ صلی اللہ علیہ وسلم نے فرمایا: مَعْدُ بْنِ عَدْنَانَ بْنِ اٰدَدَ بْنِ زَنْدِ بْنِ الْبَرَائِ بْنِ اَعْرَاقِ الثَّرَی آپ رضی اللہ عنہا فرماتی ہیں: اس کے بعد آپ نے یہ آیت پڑھی: (اھلک عَادًا وَّ ثَمُوْدَ وَاَصْحٰبَ الرَّسِّ وَ قُرُوْنًا بَیْنَ ذٰلِکَ کَثِیْرًا» (الفرقان: 38) ” اور عاد اور ثمود اور کنویں والوں کو اور ان کے بیچ میں بہت سی سنگتیں (قومیں) “۔ (،) ان کو اللہ کے سوا کوئی نہیں جانتا۔ ام سلمہ رضی اللہ عنہا فرماتی ہیں:” اعراق الثری “ سیدنا اسماعیل بن ابراہیم علیہما السلام ہیں اور ” زند “ ھمسیع ہیں اور ” براء “ نبت ہے۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3561]

سیدنا عبداللہ بن عباس رضی اللہ عنہما فرماتے ہیں: پورا سال بارش برستی رہتی ہے لیکن اللہ تعالیٰ اس کا رخ جدھر چاہتا ہے ادھر موڑ دیتا ہے۔ پھر آپ نے یہ آیت پڑھی: وَلَقَدْ صَرَّفْنَاہُ بَیْنَھُمْ ” اور بے شک ہم نے ان میں پانی کے پھیرے رکھے ہیں “۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3562]