سیدنا ارقم بن ابی ارقم مخزومی رضی اللہ عنہ کے مناقب کا ذکر۔ عروہ بن زبیر سے روایت ہے کہ قریش میں سے غزوہ بدر میں شریک ہونے والوں کے ناموں میں بنو مخزوم سے سیدنا ارقم بن ابی ارقم رضی اللہ عنہ شامل تھے، ان کے والد ابوارقم کا نام عبد مناف بن عبداللہ بن عمر بن مخزوم تھا، اور ارقم کی کنیت ابو خندف تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6247]

سیدنا ارقم بن ابی الارقم رضی اللہ عنہ کے متعلق مروی ہے، ان کے والد ابوارقم کا نام عبد مناف بن اسد بن عبداللہ بن عمر بن مخزوم تھا، وہ اہل بدر میں سے تھے، انہوں نے، سیدنا ابوعبیدہ بن جراح اور سیدنا عثمان بن مظعون رضی اللہ عنہم نے ایک ہی وقت میں اسلام قبول کیا تھا، اور سیدنا ارقم رضی اللہ عنہ اہل بدر میں سے سب سے آخر میں وفات پانے والے صحابہ میں شامل تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6248]

خلیفہ بن خیاط سے روایت ہے کہ بنو مخزوم کے بیان کے مطابق سیدنا ارقم بن ابی الارقم رضی اللہ عنہ کی والدہ تماضر بنت حذیم تھیں جن کا تعلق بنو سہم بن عمرو بن ہصیص سے تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6249]