سیدنا عبداللہ بن عمرو رضی اللہ عنہما سے روایت ہے، انہوں نے فرمایا: ”لوگوں پر ایک ایسا زمانہ آئے گا کہ کوئی مؤمن باقی نہیں رہے گا مگر یہ کہ وہ شام سے جا ملے گا۔“
یہ حدیث شیخین کی شرط پر صحیح ہے، لیکن شیخین نے اسے روایت نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8619]

سیدنا عبداللہ بن عمرو رضی اللہ عنہما سے روایت ہے، انہوں نے فرمایا: ”ایک ایسی آگ بھیجی جائے گی جو لوگوں کو زمین کے مشرق سے مغرب کی طرف اس طرح ہنکا کر لے جائے گی جیسے تھکے ہوئے اونٹ کو ہنکایا جاتا ہے، جو پیچھے رہ جائے گا یہ آگ اسے اپنی گرفت میں لے لے گی، جب لوگ قیام کریں گے تو وہ بھی ٹھہر جائے گی اور جب وہ رات گزارنے کے لیے رکیں گے تو وہ بھی رک جائے گی۔“
یہ حدیث شیخین کی شرط پر صحیح ہے، لیکن ان دونوں نے اسے روایت نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8620]