حضرت مجاہد رحمہ اللہ قرآن مجید کی آیت { غَیْرِ أُولِی الْإِرْبَۃِ } کی تفسیر میں فرماتے ہیں کہ اس سے مراد وہ بھولا بھالا (کم عقل) شخص ہے جو عورتوں کے معاملات کو نہیں جانتا۔ [مصنف ابن ابي شيبه/كتاب النكاح/حدیث: 18070]

حضرت مجاہد رحمہ اللہ قرآن مجید کی آیت { غَیْرِ أُولِی الْإِرْبَۃِ } کی تفسیر میں فرماتے ہیں کہ اس سے مراد وہ شخص ہے جسے عورتوں کی کوئی خواہش نہ ہو۔ [مصنف ابن ابي شيبه/كتاب النكاح/حدیث: 18071]

حضرت سعید بن جبیر رحمہ اللہ قرآن مجید کی آیت { غَیْرِ أُولِی الْإِرْبَۃِ } کی تفسیر میں فرماتے ہیں کہ اس سے مراد پاگل ہے۔ [مصنف ابن ابي شيبه/كتاب النكاح/حدیث: 18072]

حضرت حسن رحمہ اللہ قرآن مجید کی آیت { غَیْرِ أُولِی الْإِرْبَۃِ } کی تفسیر میں فرماتے ہیں کہ اس سے مراد بیوقوف ہے۔ [مصنف ابن ابي شيبه/كتاب النكاح/حدیث: 18073]

حضرت ابن عباس رضی اللہ عنہما قرآن مجید کی آیت { غَیْرِ أُولِی الْإِرْبَۃِ } کی تفسیر میں فرماتے ہیں کہ اس سے مراد وہ ہے جس سے عورتیں حیا نہ کرتی ہوں۔ [مصنف ابن ابي شيبه/كتاب النكاح/حدیث: 18074]

حضرت عکرمہ رحمہ اللہ قرآن مجید کی آیت { غَیْرِ أُولِی الْإِرْبَۃِ } کی تفسیر میں فرماتے ہیں کہ اس سے مراد وہ شخص ہے جس کی شہوت (مردانہ قوت) قائم نہ ہو۔ [مصنف ابن ابي شيبه/كتاب النكاح/حدیث: 18075]

حضرت مکحول رحمہ اللہ فرماتے ہیں کہ ایک عورت سے اس کی عدت میں شادی کی گئی حضرت عمر رضی اللہ عنہ نے دونوں کے درمیان جدائی کرادی اور عورت کا مہر بیت المال میں جمع کرادیا۔ [مصنف ابن ابي شيبه/كتاب النكاح/حدیث: 18076]

حضرت زہری رحمہ اللہ فرماتے ہیں کہ اس عورت کا مہر بیت المال میں نہیں جائے گا، یہ اس کی شرمگاہ سے فائدہ اٹھانے کا عوض ہے۔ [مصنف ابن ابي شيبه/كتاب النكاح/حدیث: 18077]

حضرت شعبی رحمہ اللہ فرماتے ہیں کہ ایک عورت سے اس کی عدت میں شادی کی گئی حضرت عمر رضی اللہ عنہ نے دونوں کے درمیان جدائی کرادی اور عورت کا مہر بیت المال میں جمع کرادیا۔ [مصنف ابن ابي شيبه/كتاب النكاح/حدیث: 18078]

حضرت علی رضی اللہ عنہ فرماتے ہیں کہ دونوں کے درمیان جدائی کرائی جائے گی، اور شرمگاہ کو حلال کرنے کے عوض عورت کو مہر ملے گا۔ [مصنف ابن ابي شيبه/كتاب النكاح/حدیث: 18079]