حضرت سعید بن مسیب رحمہ اللہ فرماتے ہیں کہ اگر ایک آدمی اپنی باندی کو اس شرط پر مکاتبہ بنائے کہ اس سے وطی کرتا رہے گا تو اس میں کوئی حرج نہیں، شرط برقرار رہے گی اور وہ وطی کرسکتا ہے۔ [مصنف ابن ابي شيبه/كتاب النكاح/حدیث: 18200]

حضرت شعبی رحمہ اللہ فرماتے ہیں کہ اگر کسی شخص نے مکاتبہ باندی سے وطی کی تو اس کی باقی ماندہ غلامی اس کی آزادی کا مہر بن جائے گی۔ [مصنف ابن ابي شيبه/كتاب النكاح/حدیث: 18201]

حضرت شعبی رحمہ اللہ فرماتے ہیں کہ زانی پر عقر (فرج مغصوب کی دیت) نہیں ہے۔ [مصنف ابن ابي شيبه/كتاب النكاح/حدیث: 18202]

حضرت شعبہ رحمہ اللہ فرماتے ہیں کہ میں نے حضرت حکم اور حضرت حماد d سے اس غلام کے بارے میں سوال کیا جو کسی آزاد عورت سے زبردستی زنا کرے، کہ اس پر عقر ہوگا یا نہیں ہوگا؟ انہوں نے فرمایا کہ اس پر عقر نہیں ہے خواہ عورت آزاد ہو یا باندی۔ [مصنف ابن ابي شيبه/كتاب النكاح/حدیث: 18203]

حضرت عطاء اور حضرت زہری d فرماتے ہیں کہ اگر عورت باکرہ ہو تو عقر اور حد دونوں لازم ہوں گے اور اگر ثیبہ ہو تو صرف حد لگے گی۔ [مصنف ابن ابي شيبه/كتاب النكاح/حدیث: 18204]

حضرت زہری رحمہ اللہ سے بھی یہی منقول ہے، وہ اور حضرت عطاء رحمہ اللہ دونوں فرماتے ہیں کہ اگر عورت باکرہ ہو تو عقر اور حد دونوں لازم ہوں گے اور اگر ثیبہ ہو تو صرف حد لگے گی۔ [مصنف ابن ابي شيبه/كتاب النكاح/حدیث: 18205]

ابراہیم رحمہ اللہ فرماتے ہیں کہ زانی پر حد اور مہر جمع نہیں ہوسکتے۔ [مصنف ابن ابي شيبه/كتاب النكاح/حدیث: 18206]

حضرت ابراہیم رحمہ اللہ فرماتے ہیں کہ اگر حد جاری ہوجائے تو تاوان نہیں لیا جائے گا۔ [مصنف ابن ابي شيبه/كتاب النكاح/حدیث: 18207]

حضرت ابن عمر رضی اللہ عنہما فرماتے ہیں کہ میں کوئی سوئی پوری کی پوری اپنے سر میں چبھو دوں مجھے اس بات سے زیادہ پسند ہے کہ کوئی غیر محرم عورت میرے سر کو چومے۔ [مصنف ابن ابي شيبه/كتاب النكاح/حدیث: 18208]

ابراہیم رحمہ اللہ فرماتے ہیں کہ جوئیں کسی آدمی کے دماغ میں سوراخ کر دیں، یہ اس کے لئے اس سے بہتر ہے کہ کوئی غیر محرم عورت اس کے سر کی جوئیں نکالے۔ انہوں نے ذکر کیا کہ ایک مرتبہ ایک عورت ایک آدمی کے سر کی جوئیں نکال رہی تھی تو اس نے اس کا بوسہ لے لیا تھا۔ [مصنف ابن ابي شيبه/كتاب النكاح/حدیث: 18209]