حضرت مجاہد رحمہ اللہ قرآن مجید کی آیت { ذٰلِکَ اَدْنٰی أَلَّا تَعُوْلُوْا } کی تفسیر میں فرماتے ہیں کہ ”تَعُوْلُوْا“ سے مراد گمراہ ہونا ہے۔ [مصنف ابن ابي شيبه/كتاب النكاح/حدیث: 18320]

حضرت حسن رحمہ اللہ قرآن مجید کی آیت { ذٰلِکَ اَدْنٰی أَلَّا تَعُوْلُوْا } کی تفسیر میں فرماتے ہیں کہ ”تَعُوْلُوْا“ سے مراد میلان ہے۔ [مصنف ابن ابي شيبه/كتاب النكاح/حدیث: 18321]

حضرت ابو مالک رحمہ اللہ قرآن مجید کی آیت { ذٰلِکَ اَدْنٰی أَلَّا تَعُوْلُوْا } کی تفسیر میں فرماتے ہیں کہ ”تَعُوْلُوْا“ سے مراد میلان ہے۔ [مصنف ابن ابي شيبه/كتاب النكاح/حدیث: 18322]

حضرت ضحاک رحمہ اللہ قرآن مجید کی آیت { ذٰلِکَ اَدْنٰی أَلَّا تَعُوْلُوْا } کی تفسیر میں فرماتے ہیں کہ ”تَعُوْلُوْا“ سے مراد میلان ہے۔ [مصنف ابن ابي شيبه/كتاب النكاح/حدیث: 18323]

حضرت شعبی اور حسن رحمہما اللہ فرماتے ہیں کہ مریض کا شادی کرنا اور خریدو فروخت کرنا جائز ہے۔ [مصنف ابن ابي شيبه/كتاب النكاح/حدیث: 18324]

حضرت شعبی اور حسن رحمہما اللہ فرماتے ہیں کہ مریض کا شادی کرنا اور اس کا خریدنا اور بیچنا جائز ہے۔ [مصنف ابن ابي شيبه/كتاب النكاح/حدیث: 18325]

حضرت ابراہیم رحمہ اللہ سے سوال کیا گیا کہ کیا مریض کے لئے شادی کرنا جائز ہے؟ انہوں نے فرمایا کہ ثلث کے علاوہ میں جائز ہے۔ [مصنف ابن ابي شيبه/كتاب النكاح/حدیث: 18326]

حضرت حکم رحمہ اللہ فرماتے ہیں کہ عبد الرحمن ابن ام الحکم رحمہ اللہ نے حالت مرض میں اپنی بیوی جریر کی بیٹی سے اس کا آٹھواں حصہ (میراث) خریدنا چاہا تو اس نے انکار کردیا، چنانچہ انہوں نے حالت مرض ہی میں اس پر تین اور عورتوں سے شادی کرلی اور اسے جائز قرار دیا گیا۔ [مصنف ابن ابي شيبه/كتاب النكاح/حدیث: 18327]

حضرت شعبی رحمہ اللہ فرماتے ہیں کہ حضرت معاویہ رضی اللہ عنہ نے اسے جائز قرار دیا۔ [مصنف ابن ابي شيبه/كتاب النكاح/حدیث: 18328]

حضرت عبد اللہ بن یزید باہلی رحمہ اللہ فرماتے ہیں کہ میں نے حضرت عطاء رحمہ اللہ سے اس شخص کے بارے میں سوال کیا جو حالت مرض الموت میں شادی کرے۔ انہوں نے فرمایا کہ لوگ کہتے ہیں کہ یہ جائز ہے۔ [مصنف ابن ابي شيبه/كتاب النكاح/حدیث: 18329]