حضرت عطاء رحمہ اللہ فرماتے ہیں کہ جس شکار سے کتا کھالے وہ مردار ہے۔ [مصنف ابن ابي شيبه/كتاب الصيد/حدیث: 20735]

حضرت عکرمہ رحمہ اللہ فرماتے ہیں کہ اگر کتا شکار میں سے کھالے تو تم مت کھاؤ۔ [مصنف ابن ابي شيبه/كتاب الصيد/حدیث: 20736]

حضرت عبید بن عمیر رحمہ اللہ فرماتے ہیں کہ جب تم اپنے سدھائے ہوئے کتے کو شکار پر چھوڑو اور اللہ کا نام لو تو اس کو کھاؤ خواہ وہ شکار کو مار ڈالے۔ [مصنف ابن ابي شيبه/كتاب الصيد/حدیث: 20737]

حضرت سفیان فرماتے ہیں کہ مجھے باز کے بارے میں شک ہے۔ [مصنف ابن ابي شيبه/كتاب الصيد/حدیث: 20738]

حضرت سعید بن جبیر رحمہ اللہ سے سوال کیا گیا کہ اگر کتا اپنے شکار میں سے کھالے تو کیا اس کو کھایا جاسکتا ہے؟ فرمایا اس صورت میں شکار کو نہ کھاؤ۔ [مصنف ابن ابي شيبه/كتاب الصيد/حدیث: 20739]

حضرت عطاء رحمہ اللہ فرماتے ہیں کہ اگر کتا شکار میں سے کھالے تو تم اس کو مت کھاؤ۔ [مصنف ابن ابي شيبه/كتاب الصيد/حدیث: 20740]

حضرت شعبی رحمہ اللہ فرماتے ہیں کہ اگر کتا شکار میں سے کھالے تو اس کو مت کھاؤ۔ [مصنف ابن ابي شيبه/كتاب الصيد/حدیث: 20741]

حضرت سوید بن غفلہ رحمہ اللہ فرماتے ہیں کہ جب تم کتے کو روانہ کرتے وقت اللہ کا نام لو تو اس کے شکار کو کھالو بشرطیکہ وہ خود اس میں سے نہ کھائے۔ [مصنف ابن ابي شيبه/كتاب الصيد/حدیث: 20742]

حضرت شعبی اور حضرت ابو بردہ رحمہ اللہ فرماتے ہیں کہ کتا اگر اپنے شکار میں سے کھائے تو تم اسے مت کھاؤ۔ [مصنف ابن ابي شيبه/كتاب الصيد/حدیث: 20743]

حضرت ضحاک رحمہ اللہ فرماتے ہیں کہ سدھایا ہوا کتا اگر شکار پر چھوڑو اور وہ اس شکار میں سے کھالے تو تم اسے مت کھاؤ اور اگر وہ اسے مار ڈالے لیکن نہ کھائے تو اسے کھالو۔ [مصنف ابن ابي شيبه/كتاب الصيد/حدیث: 20744]