حضرت زہری رحمہ اللہ عیب کی بقدر ثمن کم کرنے کے قائل تھے جبکہ اس کی موت کے بعد بیماری کا پتہ لگے۔ [مصنف ابن ابي شيبه/كتاب البيوع والأقضية/حدیث: 22926]

حضرت عطا فرماتے ہیں کہ مرنے کے بعد کوئی ذمہ داری نہیں ہے۔ [مصنف ابن ابي شيبه/كتاب البيوع والأقضية/حدیث: 22927]

حضرت حارث رحمہ اللہ، ان کے اصحاب اور ابراہیم رحمہ اللہ فرماتے ہیں کہ قرض فی الفور ادا کرنا واجب ہے اگرچہ وہ مدت کے لئے لیا ہو۔ [مصنف ابن ابي شيبه/كتاب البيوع والأقضية/حدیث: 22928]

اور حضرت عبیدہ کے واسطے سے ابراہیم رحمہ اللہ سے منقول ہے، ان حضرات نے فرمایا کہ قرض فی الفور واجب الادا ہوتا ہے اگرچہ وہ مدت کے لئے لیا ہو۔ [مصنف ابن ابي شيبه/كتاب البيوع والأقضية/حدیث: 22929]

ابو بکر (ابن ابی شیبہ) اسی قول کو اختیار کرتے ہیں۔ [مصنف ابن ابي شيبه/كتاب البيوع والأقضية/حدیث: 22930]

حضرت ابراہیم اور حضرت عامر رحمہ اللہ سے دریافت کیا گیا کہ آدمی باندی سے نکاح کرے پھر اس سے اس کا بچہ ہوجائے پھر وہ اس کو خرید بھی لیتا ہے تو اس کا کیا حکم ہے؟ دونوں حضرات نے فرمایا: وہ اس کو فروخت کرسکتا ہے جب تک اس نے اس کی ملکیت میں بچہ نہ جنا ہو۔ [مصنف ابن ابي شيبه/كتاب البيوع والأقضية/حدیث: 22931]

حضرت طاؤس فرماتے ہیں کہ وہ اس کو بیچ سکتا ہے۔ [مصنف ابن ابي شيبه/كتاب البيوع والأقضية/حدیث: 22932]

حضرت حسن رحمہ اللہ فرماتے ہیں کہ وہ اس کی ام ولد ہے۔ [مصنف ابن ابي شيبه/كتاب البيوع والأقضية/حدیث: 22933]

حضرت حماد فرماتے ہیں اس کو نہ فروخت کرے وہ ام ولد کے درجے میں ہے۔ [مصنف ابن ابي شيبه/كتاب البيوع والأقضية/حدیث: 22934]

حضرت حماد اس شخص کے متعلق فرماتے ہیں کوئی شخص کسی کو بطور مضاربت کوئی سامان دے اور سامان کی قیمت ہزار درہم لگائے، پھر وہ اس کو نو سو درہم میں فروخت کر دے، آپ نے فرمایا راس المال نو سو درہم ہوں گے۔ [مصنف ابن ابي شيبه/كتاب البيوع والأقضية/حدیث: 22935]