حضرت حسن رحمہ اللہ فرماتے ہیں کہ میں قضاء پر اجرت لینے کو ناپسند کرتا ہوں۔ [مصنف ابن ابي شيبه/كتاب البيوع والأقضية/حدیث: 23186]

حضرت عمر رضی اللہ عنہ فرماتے ہیں کہ مسلمانوں کے قاضی کے لئے اجرت لینا مناسب نہیں ہے، اور نہ ہی ان کے مال غنیمت والے کے لئے۔ [مصنف ابن ابي شيبه/كتاب البيوع والأقضية/حدیث: 23187]

حضرت محمد رحمہ اللہ اس میں کوئی حرج نہیں سمجھتے تھے کہ قاضی بیت المال سے اجرت وصول کرے۔ [مصنف ابن ابي شيبه/كتاب البيوع والأقضية/حدیث: 23188]

حضرت ابن ابی لیلیٰ رحمہ اللہ سے مروی ہے کہ ہمیں یہ بات پہنچی ہے، یا فرمایا: مجھے یہ بات پہنچی ہے، کہ حضرت علی رضی اللہ عنہ نے حضرت شریح رحمہ اللہ کی پانچ سو اجرت (تنخواہ) مقرر فرمائی تھی۔ [مصنف ابن ابي شيبه/كتاب البيوع والأقضية/حدیث: 23189]

حضرت ابن عباس رضی اللہ عنہما فرماتے ہیں کہ پھلوں کی بیع سے منع کیا گیا ہے یہاں تک کہ وہ پک کر کھانے کے قابل ہوجائیں۔ [مصنف ابن ابي شيبه/كتاب البيوع والأقضية/حدیث: 23190]

اور حضرت ابن عمر رضی اللہ عنہما فرماتے ہیں: یہاں تک کہ ان کی پختگی ظاہر ہوجائے۔ [مصنف ابن ابي شيبه/كتاب البيوع والأقضية/حدیث: 23191]

حضرت عمر رضی اللہ عنہارشاد فرماتے ہیں کہ پکنے سے قبل پھلوں کی بیع کرنا سود ہے۔ [مصنف ابن ابي شيبه/كتاب البيوع والأقضية/حدیث: 23192]

حضرت الاسود رحمہ اللہ فرماتے ہیں کہ کھجور میں بیع سلم مت کر یہاں تک کہ وہ زرد یا سرخ نہ ہوجائے، اور اسی طرح چھوٹی کھیتی میں، اس حال میں کہ وہ سرسبز ہو، یہاں تک کہ اس کا پھول آجائے۔ [مصنف ابن ابي شيبه/كتاب البيوع والأقضية/حدیث: 23193]

حضرت سالم رحمہ اللہ اپنے والد سے روایت کرتے ہیں کہ آنحضرت صلی اللہ علیہ وسلم نے پھلوں کو پکنے سے قبل بیع کرنے سے منع فرمایا ہے۔ [مصنف ابن ابي شيبه/كتاب البيوع والأقضية/حدیث: 23194]

حضرت ابراہیم رحمہ اللہ فرماتے ہیں کہ جب تک کھجور کی گٹھلی سخت نہ ہوجائے اور وہ آفت سے محفوظ نہ ہوجائے اس کی بیع نہیں کریں گے۔ [مصنف ابن ابي شيبه/كتاب البيوع والأقضية/حدیث: 23195]