حسن فرماتے ہیں کہ جھوٹے گواہ کو کچھ مارا جائے گا، اور لوگوں میں اس کو مشہور کیا جائے گا، اور اعلان کیا جائے گا کہ یہ جھوٹاگواہ ہے۔ [مصنف ابن ابي شيبه/كتاب البيوع والأقضية/حدیث: 24556]

حضرت شعبی رحمہ اللہ فرماتے ہیں کہ جھوٹے گواہ کو چالیس سے کم، پینتیس یا چھتیس یا سینتیس کوڑے مارے جائیں گے۔ [مصنف ابن ابي شيبه/كتاب البيوع والأقضية/حدیث: 24557]

حضرت عمر بن عبد العزیز رحمہ اللہ نے جھوٹے گواہ کو ستر کوڑے مارے۔ [مصنف ابن ابي شيبه/كتاب البيوع والأقضية/حدیث: 24558]

حضرت شریح کے پاس جب جھوٹا گواہ آتا تو آپ اس کا عمامہ اتروا کر اس کو چند ضربیں لگواتے۔ [مصنف ابن ابي شيبه/كتاب البيوع والأقضية/حدیث: 24559]

حسن اس شخص کے متعلق فرماتے ہیں جو وزن کرکے چارہ خریدے، اور اس پر بغیر وزن کئے قبضہ کرلے، پھر چارہ ہلاک ہوجائے، فرمایا: وہ خریدنے والے کے مال سے ہلاک ہونا شمار ہوگا۔ [مصنف ابن ابي شيبه/كتاب البيوع والأقضية/حدیث: 24560]

راوی فرماتے ہیں کہ محمد رحمہ اللہ سے بھی اسی طرح مروی ہے۔ [مصنف ابن ابي شيبه/كتاب البيوع والأقضية/حدیث: 24561]

حضرت حسن فرماتے ہیں کہ اگر کوئی شخص یوں کہے کہ میں نے فلاں فلاں کام کیا تو میرا غلام آزاد ہے، پھر اس نے وہ غلام فروخت کر کے وہ کام کردیا، تو اس پر کچھ بھی لازم نہ آئے گا۔ [مصنف ابن ابي شيبه/كتاب البيوع والأقضية/حدیث: 24562]

حضرت سعید بن المسیب اس شخص کے متعلق فرماتے ہیں جو اپنے غلام سے کہے کہ اگر تو گھر میں داخل ہوا تو تو آزاد ہے، پھر اس نے اس غلام کو فروخت کردیا اور وہ گھر میں داخل ہوگیا، پھر اس نے اس کو دوبارہ خرید لیا، فرماتے ہیں کہ وہ آزاد نہ ہوگا۔ [مصنف ابن ابي شيبه/كتاب البيوع والأقضية/حدیث: 24563]

حضرت حکم اور حضرت عطاء اس شخص کے متعلق فرماتے ہیں جو اپنے غلام سے کہے کہ اگر تو گھر میں داخل ہوا تو تو آزاد ہے، پھر اس نے اس غلام کو فروخت کردیا اور وہ گھر میں داخل ہوگیا، پھر اس نے اس کو دوبارہ خرید لیا، ان حضرات نے فرمایا کہ وہ آزاد نہ ہوگا۔ [مصنف ابن ابي شيبه/كتاب البيوع والأقضية/حدیث: 24564]

حسن اس شخص کے متعلق فرماتے ہیں جو اپنے غلام سے کہے کہ اگر تو نے فلاں فلاں کام کیا تو تو آزاد ہے، یا اپنی بیوی سے کہے کہ تجھے طلاق ہے، فرمایا: اگر ان دونوں کے درمیان بیع یا طلاق ہوجائے تو وہ واقع نہ ہوگی۔ [مصنف ابن ابي شيبه/كتاب البيوع والأقضية/حدیث: 24565]