حضرت حمید فرماتے ہیں کہ حسن نے دانتوں کو سونے سے باندھ رکھا تھا۔ [مصنف ابن ابي شيبه/كتاب اللباس/حدیث: 26900]

حضرت حماد فرماتے ہیں کہ میں نے حضرت مغیرہ بن عبد اللہ کو دیکھا کہ انہوں نے اپنے دانتوں کو سونے سے باندھ رکھا تھا۔ [مصنف ابن ابي شيبه/كتاب اللباس/حدیث: 26901]

حضرت حماد فرماتے ہیں کہ میں نے اس بارے میں ابراہیم سے سوال کیا تو انہوں نے فرمایا کہ اس میں کوئی حرج نہیں ہے۔ [مصنف ابن ابي شيبه/كتاب اللباس/حدیث: 26902]

حضرت ابن طرفہ بن عرفجہ فرماتے ہیں کہ ان کے دادا کی ناک کلاب کی لڑائی میں ضائع ہوگئی تھی انہوں نے چاندی کی ناک بنوائی جو خراب ہوگئی تو رسول اللہ صلی اللہ علیہ وآلہ وسلم نے انہیں سونے کی ناک بنوانے کا حکم دیا۔ [مصنف ابن ابي شيبه/كتاب اللباس/حدیث: 26903]

حضرت حماد فرماتے ہیں کہ میں نے حضرت ثابت بنانی کو دیکھا انہوں نے اپنے دانتوں کو سونے سے باندھ رکھا تھا۔ [مصنف ابن ابي شيبه/كتاب اللباس/حدیث: 26904]

حضرت ابن عمر رضی اللہ عنہما فرماتے ہیں کہ جس شخص نے شہرت کی چادر یا شہرت کا کپڑا پہنا اللہ تعالیٰ قیامت کے دن اسے آگ کا لباس پہنائیں گے۔ [مصنف ابن ابي شيبه/كتاب اللباس/حدیث: 26905]

حضرت حصین فرماتے ہیں کہ زبید یامی برنس (ایک خاص ٹوپی) پہنا کرتے تھے۔ میں نے حضرت ابراہیم کو اس کو معیوب کہتے سنا۔ میں نے ان سے کہا کہ اسلاف تو یہ پہنا کرتے تھے۔ انہوں نے فرمایا کہ اب اس کو پہننے والا کوئی نہ رہا، اب اگر کوئی پہنے تو لوگ اس کی باتں ا کرتے ہیں اور اس کی طرف انگلیوں سے اشارہ کرتے ہیں۔ [مصنف ابن ابي شيبه/كتاب اللباس/حدیث: 26906]

حضرت ابو دردائ فرماتے ہیں کہ جو کسی مشہور سواری پر سوار ہو یا مشہور کپڑے پہنے تو جب تک اس پر رہے اللہ تعالیٰ اس سے اعراض فرمائیں گے، خواہ وہ اللہ کے نزدیک معزز ہی کیوں نہ ہو۔ [مصنف ابن ابي شيبه/كتاب اللباس/حدیث: 26907]

حضرت ابن عمر رضی اللہ عنہما فرماتے ہیں کہ جس نے شہرت کے لئے لباس پہنا اللہ تعالیٰ اسے ذلت کا لباس پہنائے گا۔ [مصنف ابن ابي شيبه/كتاب اللباس/حدیث: 26908]

حضرت ابن عمر رضی اللہ عنہما سے روایت ہے کہ رسول اللہ صلی اللہ علیہ وآلہ وسلم نے سرپر کچھ بال بلا مونڈے چھوڑنے سے منع فرمایا ہے۔ [مصنف ابن ابي شيبه/كتاب اللباس/حدیث: 26909]