حضرت ابن سیرین کہتے ہیں۔ حضرت معاویہ کو رسول اللہ صلی اللہ علیہ وآلہ وسلم کی حدیث کے بارے میں متہم نہیں کیا جاسکتا۔ [مصنف ابن ابي شيبه/كتاب اللباس/حدیث: 26880]

حضرت جابر سے روایت ہے۔ وہ کہتے ہیں کہ چیتوں (کی کھالوں) کو جب دباغت دے دی جائے تو پھر کوئی حرج نہیں۔ [مصنف ابن ابي شيبه/كتاب اللباس/حدیث: 26881]

حضرت ہشام سے روایت ہے۔ کہ ان کے والد، اپنی زینوں پر چیتوں یا درندوں کی کھالوں کو رکھا کرتے تھے۔ [مصنف ابن ابي شيبه/كتاب اللباس/حدیث: 26882]

حضرت ابن عون سے روایت ہے۔ وہ کہتے ہیں کہ حضر ت محمد کے ہاں چیتوں کی کھالوں کا ذکر ہوا تو انہوں نے فرمایا: ان پر صرف نماز پڑھنا مکروہ ہے۔ [مصنف ابن ابي شيبه/كتاب اللباس/حدیث: 26883]

اور محمد ان پر سوار ہونے میں کوئی حرج نہیں دیکھتے تھے۔ [مصنف ابن ابي شيبه/كتاب اللباس/حدیث: 26884]

اور انہوں نے فرمایا۔ میرے علم کے مطابق کسی نے ان کھالوں کو گناہ سمجھتے ہوئے نہیں چھوڑا۔ [مصنف ابن ابي شيبه/كتاب اللباس/حدیث: 26885]

حضرت علی بن حکم رحمہ اللہ سے روایت ہے۔ وہ کہتے ہیں کہ میں نے حضرت حکم سے چیتوں کی کھالوں کے بارے میں سوال کیا؟ تو انہوں نے فرمایا۔ درندوں کی کھالیں مکروہ ہیں۔ [مصنف ابن ابي شيبه/كتاب اللباس/حدیث: 26886]

حضرت حکم سے روایت ہے کہ حضرت عمر نے اہل شام کو خط لکھا اور آپ نے ان کو درندوں کی کھالوں پر سوار ہونے سے منع فرمایا۔ [مصنف ابن ابي شيبه/كتاب اللباس/حدیث: 26887]

حضرت ابن سیرین سے روایت ہے کہ حضرت ابن مسعود نے ایک سواری مستعار منگوائی۔ پس وہ آپ کے پاس لائی گئی تو اس پر چیتے (کی کھال) کا زین پوش تھا۔ آپ نے اس کو اتارا۔ پھر اس پر سوار ہوئے۔ [مصنف ابن ابي شيبه/كتاب اللباس/حدیث: 26888]

حضرت علی بن حسین رحمہ اللہ سے روایت ہے۔ وہ کہتے ہیں کہ جناب نبی کریم صلی اللہ علیہ وآلہ وسلم نے دیوار کو پردہ کرنے سے منع فرمایا۔ [مصنف ابن ابي شيبه/كتاب اللباس/حدیث: 26889]