حضرت عبد الکریم فرماتے ہیں کہ حضرت مجاہد یوں دعا کرنے کو مکروہ سمجھتے تھے، اے اللہ! تو مجھے آزمائش میں مت ڈال مگر اس چیز کے ساتھ جو بہت بہترین ہو، اور فرماتے کہ اللہ رب العزت نے فرمایا ہے کہ: ترجمہ: اور ہم تمہیں آزمائیں گے شر اور بھلائی کے ساتھ، آزمانے کے لیے۔ [مصنف ابن ابي شيبه/ كتاب الأدب/حدیث: 27984]

حضرت ابن طاؤس فرماتے ہیں کہ حضرت طاؤس کے پاس جب بہت زیادہ خطوط جمع ہوجاتے تو آپ ان کو جلانے کا حکم دیتے اور ان کو جلا دیا جاتا۔ [مصنف ابن ابي شيبه/ كتاب الأدب/حدیث: 27985]

حضرت نعمان بن قیس فرماتے ہیں کہ حضرت عبیدہ نے وصیت فرمائی کہ ان کی کتابوں کو مٹا دیا جائے۔ [مصنف ابن ابي شيبه/ كتاب الأدب/حدیث: 27986]

حضرت عبد اللہ بن مسلم بن یسار فرماتے ہیں کہ حضرت مسلم بن یسار کے پاس جب خط آتا تو آپ اللہ کے ذکر کو اس میں سے مٹا دیتے پھر اس کو پھینک دیتے۔ [مصنف ابن ابي شيبه/ كتاب الأدب/حدیث: 27987]

حضرت اسود بن ھلال فرماتے ہیں کہ حضرت عبد اللہ بن مسعود رضی اللہ عنہ کے پاس ایک صحیفہ لایا گیا جس میں کچھ حدیثیں تھیں۔ آپ نے پانی منگوایا، پہلے اسے مٹایا پھر اسے دھو دیا، پھر آپ نے اسے جلانے کا حکم دیا تو اسے جلا دیا گیا۔ [مصنف ابن ابي شيبه/ كتاب الأدب/حدیث: 27988]

حضرت ابن سیرین فرماتے ہیں کہ میں نے حضرت عبیدہ سے پوچھا کہ مجھے ایک خط ملا ہے کیا میں اس کو پڑھ لوں؟ آپ نے فرمایا: نہیں۔ [مصنف ابن ابي شيبه/ كتاب الأدب/حدیث: 27989]

حضرت ولید بن ثعلبہ طائی فرماتے ہیں کہ حضرت ضحاک کاپیوں میں حدیث لکھنے کو مکروہ سمجھتے تھے۔ [مصنف ابن ابي شيبه/ كتاب الأدب/حدیث: 27990]

حضرت عبد اللہ جو حضرت ضحاک کے مؤذن ہیں فرماتے ہیں کہ حضرت ضحاک نے ارشاد فرمایا: کہ تم حدیث کے لیے مصحف کی کاپیوں کی طرح کاپیاں مت بناؤ۔ [مصنف ابن ابي شيبه/ كتاب الأدب/حدیث: 27991]

حضرت لیث فرماتے ہیں کہ حضرت مجاہد نے کاپیوں میں حدیث لکھنے کو مکروہ سمجھا۔ [مصنف ابن ابي شيبه/ كتاب الأدب/حدیث: 27992]

حضرت ابو معشر فرماتے ہیں کہ حضرت ابراہیم نے کاپیوں میں حدیث لکھنے کو مکروہ سمجھا۔ [مصنف ابن ابي شيبه/ كتاب الأدب/حدیث: 27993]