حضرت ابو جعفر فرماتے ہیں: کہ انہوں نے حضرت محمد بن کعب سے پوچھا: انہوں نے بھی یہی ارشاد فرمایا۔ [مصنف ابن ابي شيبه/ كتاب الأدب/حدیث: 28394]

حضرت ابن عون فرماتے ہیں کہ حضرت محمد نے ارشاد فرمایا: کہ میں نے ایک کتاب پڑھی جس میں یوں لکھا تھا: جو اللہ نے چاہا اور امیر نے، آپ نے فرمایا: امیر نے اللہ کے بعد چاہا۔ [مصنف ابن ابي شيبه/ كتاب الأدب/حدیث: 28395]

حضرت حذیفہ رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: تم یوں مت کہو: جو اللہ نے چاہا اور فلاں نے چاہا، لیکن یوں کہہ لیا کرو جو اللہ نے چاہا پھر فلاں نے چاہا۔ [مصنف ابن ابي شيبه/ كتاب الأدب/حدیث: 28396]

حضرت ابن عباس رضی اللہ عنہما فرماتے ہیں کہ ایک آدمی نبی کریم صلی اللہ علیہ وآلہ وسلم کی خدمت میں آیا، اس نے کچھ بات بیان کی اور فرمایا: جو اللہ نے چاہا اور آپ نے چاہا۔ آپ صلی اللہ علیہ وآلہ وسلم نے فرمایا: تم نے مجھے اللہ کے برابر کردیا۔ نہیں بلکہ یوں کہو: جو اللہ نے چاہا۔ [مصنف ابن ابي شيبه/ كتاب الأدب/حدیث: 28397]

حضرت زرعہ بن مسلم بن جرہد اپنے دادا حضرت جرہد رضی اللہ عنہ سے روایت کرتے ہیں، فرماتے ہیں کہ نبی کریم صلی اللہ علیہ وآلہ وسلم نے مسجد میں ان کو دیکھا اس حال میں کہ ان پر چاد ر تھی اور ان کی ران کھلی ہوئی تھی۔ آپ صلی اللہ علیہ وآلہ وسلم نے فرمایا: بیشک ران ستر کا حصہ ہے۔ [مصنف ابن ابي شيبه/ كتاب الأدب/حدیث: 28398]

حضرت منصور فرماتے ہیں کہ حضرت عمر نے ارشاد فرمایا: آدمی کی ران ستر کا حصہ ہے۔ [مصنف ابن ابي شيبه/ كتاب الأدب/حدیث: 28399]

حضرت مغیرہ فرماتے ہیں کہ حضرت ابراہیم فرمایا کرتے تھے: ران ستر کا حصہ ہے۔ [مصنف ابن ابي شيبه/ كتاب الأدب/حدیث: 28400]

حضرت لیث فرماتے ہیں کہ حضر ت مجاہد نے ارشاد فرمایا: مسجد میں ران کا کھلنا ستر کا حصہ ہے۔ [مصنف ابن ابي شيبه/ كتاب الأدب/حدیث: 28401]

حضرت ابن عباس رضی اللہ عنہما فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا: ران ستر کا حصہ ہے۔ [مصنف ابن ابي شيبه/ كتاب الأدب/حدیث: 28402]

حضرت ابو جحیفہ فرماتے ہیں کہ رسول اللہ صلی اللہ علیہ وآلہ وسلم نے حضرت سلمان اور حضرت ابو الدرداء کے درمیان بھائی چارہ قائم کیا۔ [مصنف ابن ابي شيبه/ كتاب الأدب/حدیث: 28403]