امام شعبی سے مذکورہ ارشاد اس سند سے منقول ہے۔ [مصنف ابن ابي شيبه/ كتاب الأدب/حدیث: 27514]

حضرت منصور فرماتے ہیں کہ حضرت ابراہیم جب خط لکھتے تو یوں لکھتے: السلام علیک۔ ترجمہ: اس میں میں اللہ کی حمد بیان کرتا ہوں جس کے سوا کوئی معبود برحق نہیں اور وہی حمد کا اہل ہے۔ اس کی ذات بابرکت اور بلند ہے۔ اس ہی کا ملک اور اس ہی کی تعریف ہے اور وہ ہر چیز پر قدرت رکھنے والا ہے۔ [مصنف ابن ابي شيبه/ كتاب الأدب/حدیث: 27515]

حضرت محمد بن سوقہ فرماتے ہیں کہ میں حضرت نعیم بن ابی ھند کے پاس آیا تو آپ نے مجھے ایک صحیفہ نکال کر دکھایا اس میں یوں لکھا ہوا تھا۔ ابو عبیدہ بن جراح اور معاذ بن جبل کی جانب سے حضرت عمر بن خطاب کی طرف۔ آپ پر سلامتی ہو۔ اما بعد: حمدو صلوۃ کے بعد اور پھر جب حضرت عمر نے ان دونوں کو خط کا جواب لکھا تو وہ یوں تھا۔ عمر بن خطاب کی جانب سے حضرت ابو عبیدہ بن جراح اور حضرت معاذ بن جبل کی طرف، تم دونوں پر سلام ہو، اما بعد۔ [مصنف ابن ابي شيبه/ كتاب الأدب/حدیث: 27516]

امام شعبی فرماتے ہیں کہ حضرت عائشہ رضی اللہ عنہا نے حضرت معاویہ کی طرف خط لکھا تو اس میں لکھا: اما بعد۔ [مصنف ابن ابي شيبه/ كتاب الأدب/حدیث: 27517]

حضرت ابو قلابہ فرماتے ہیں کہ مجھے اس شخص نے بیان کیا جس نے حضرت عثمان کا خط پڑھا یا اس پر حضرت عثمان کا خط پڑھا گیا۔ آپ نے یوں لکھا تھا، اما بعد۔ [مصنف ابن ابي شيبه/ كتاب الأدب/حدیث: 27518]

حضرت عبدہ بن سلیمان فرماتے ہیں کہ حضرت ہشام بن عروہ نے ارشاد فرمایا: کہ میں نے نبی کریم صلی اللہ علیہ وآلہ وسلم کے خطوط پڑھے جب بھی کوئی بات ختم ہوتی تو آپ صلی اللہ علیہ وآلہ وسلم فرماتے ”اما بعد“ [مصنف ابن ابي شيبه/ كتاب الأدب/حدیث: 27519]

حضرت عامر فرماتے ہیں کہ حضرت زیاد نے ارشاد فرمایا: بیشک حضرت داؤد کو یہ فصل خطاب عطا کیا گیا تھا ”اما بعد“۔ [مصنف ابن ابي شيبه/ كتاب الأدب/حدیث: 27520]

حضرت جعفر بن برقان فرماتے ہیں کہ حضرت عمر بن عبد العزیز نے خط میں یوں لکھا ”امابعد“۔ [مصنف ابن ابي شيبه/ كتاب الأدب/حدیث: 27521]

پھر حضرت عمر بن عبد العزیز نے ارشاد فرمایا: نبی کریم صلی اللہ علیہ وآلہ وسلم کے خطوط میں یوں لکھا ہوتا تھا ”اما بعد“۔ [مصنف ابن ابي شيبه/ كتاب الأدب/حدیث: 27522]

حضرت زید بن اسلم فرماتے ہیں کہ میرے والد نے مجھے حضرت ابن عمر رضی اللہ عنہما کے پاس بھیجا میں نے ان کو دیکھا کہ وہ خط لکھ رہے تھے اور یوں لکھا کہ: بِسْمِ اللہِ الرَّحْمَن الرَّحِیمِ أَمَّا بَعْدُ۔ [مصنف ابن ابي شيبه/ كتاب الأدب/حدیث: 27523]