حضرت ابن سیرین فرماتے ہیں کہ حضرت علاء بن الحضرمی نے نبی کریم صلی اللہ علیہ وآلہ وسلم کو خط لکھا تو آپ نے اپنی ذات سے ابتدا کی۔ [مصنف ابن ابي شيبه/ كتاب الأدب/حدیث: 27554]

امام محمد فرماتے ہیں کہ حضرت ابو موسیٰ نے یوں خط لکھا! عبد اللہ بن قیس کی جانب سے عامر بن عبد اللہ کی طرف۔ [مصنف ابن ابي شيبه/ كتاب الأدب/حدیث: 27555]

حضرت میمون بن مہران فرماتے ہیں کہ حضرت ابن عمر رضی اللہ عنہما نے حضرت عمر کو خط لکھا تو آپ نے یوں لکھا: عبد اللہ بن عمر رضی اللہ عنہما کی جانب سے حضرت عمر کی طرف۔ [مصنف ابن ابي شيبه/ كتاب الأدب/حدیث: 27556]

حضرت جعفر فرماتے ہیں کہ حضرت میمون نے ارشاد فرمایا: بیشک یہ ایسی چیز ہے کہ عجمی اس کے ذریعہ ایک دوسرے کی تعظیم کرتے ہیں۔ [مصنف ابن ابي شيبه/ كتاب الأدب/حدیث: 27557]

حضرت کہمس فرماتے ہیں کہ حضرت عبد اللہ بن مسلم بن یسار نے مجھ سے کہا، یا مجھے سختی سے تاکید کی، کہ میں خط میں ان کے نام سے ابتدا نہ کروں! اس لیے کہ خط کی ابتدا نہیں کی جاتی مگر امیر سے اور آدمی تو اپنے والد سے ابتدا کرتا ہے۔ [مصنف ابن ابي شيبه/ كتاب الأدب/حدیث: 27558]

حضرت معاذ بن معاذ فرماتے ہیں کہ میں نے بغداد میں حضرت شعبہ کو خط لکھا اور ان کے نام سے ابتدا کی، تو آپ نے مجھے خط لکھ کر ایسا کرنے سے منع فرمایا۔ [مصنف ابن ابي شيبه/ كتاب الأدب/حدیث: 27559]

اور آپ نے ذکر کیا کہ حضرت حکم اس کو مکروہ سمجھتے تھے۔ [مصنف ابن ابي شيبه/ كتاب الأدب/حدیث: 27560]

حضرت اوزاعی نے کسی شیخ سے نقل کیا کہ حضرت زید بن ثابت نے حضرت معاویہ کو خط لکھاتو حضرت معاویہ کے نام سے ابتدا کی۔ [مصنف ابن ابي شيبه/ كتاب الأدب/حدیث: 27561]

حضرت اوزاعی فرماتے ہیں کہ حضر ت عمر بن عبد العزیز کو جب خط لکھا جاتا تھا تو آپ کے نام ہی سے ابتدا کی جاتی تھی اور آپ نے اس میں کوئی حرج نہیں سمجھا۔ [مصنف ابن ابي شيبه/ كتاب الأدب/حدیث: 27562]

حضرت ابن سیرین فرماتے ہیں کہ حضرت ابن عمر رضی اللہ عنہما کو حضرت معاویہ سے کوئی کام تھا، تو آپ نے ان کو خط لکھنے کا ارادہ فرمایا، لوگوں نے کہا: اگر آپ ان کے نام سے خط لکھیں تو اچھا ہوگا اور ان لوگوں نے مسلسل یہی بات کہی یہاں تک کہ آپ نے لکھا، بسم اللہ الرحمن الرحیم، حضرت معاویہ کی طرف۔ [مصنف ابن ابي شيبه/ كتاب الأدب/حدیث: 27563]