حضرت سعد فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: کہ تم میں سے کسی کے پیٹ کا پیپ سے پُر ہو کر خراب ہوجانا اس سے بہتر ہے کہ وہ شعر و شاعری سے پُر ہو۔ [مصنف ابن ابي شيبه/ كتاب الأدب/حدیث: 27774]

حضرت عمر فرماتے ہیں کہ کلام کا جو ہیر پھیر میں جانتا ہوں مجھے پسند نہیں کہ میرے لیے اس جتنا مال اور عیال ہوں مجھے پسند نہیں اور لوگ یہ گمان نہیں کرتے کہ میں خواہش کرتا ہوں کہ میرے لیے میرے اہل اور عیال کے مثل ہو اور میں خواہش کرتا ہوں کہ میرے لیے میرے اہل اور مال کے مثل ہو پھر میرے اہل اور مال کا مثل ہو۔ [مصنف ابن ابي شيبه/ كتاب الأدب/حدیث: 27775]

حضرت ابو عثمان فرماتے ہیں کہ حضرت عمر نے ارشاد فرمایا: کہ تو ریہ آدمی کو جھوٹ سے بچاتا ہے یا یوں فرمایا: کہ جھوٹ سے باز رکھتا ہے۔ [مصنف ابن ابي شيبه/ كتاب الأدب/حدیث: 27776]

حضرت مطرف بن شخیر فرماتے ہیں کہ حضرت عمران بن حصین نے ارشاد فرمایا: کہ تو ریہ کے ذریعہ جھو ٹ سے بچا جاسکتا ہے۔ [مصنف ابن ابي شيبه/ كتاب الأدب/حدیث: 27777]

حضرت منصور فرماتے ہیں کہ حضرت ابن عباس رضی اللہ عنہما نے ارشاد فرمایا: کہ میں پسند نہیں کرتا کہ میرے لیے تو ریہ کے عوض اتنا اور اتنا مال ہو۔ [مصنف ابن ابي شيبه/ كتاب الأدب/حدیث: 27778]

حضرت منصور فرماتے ہیں کہ ابراہیم نے ارشاد فرمایا: کہ وہ حضرات ایسا کلام کرتے تھے کہ اس کلام کے ذریعے خود سے جھوٹ کے خدشہ کو دور کرتے تھے۔ [مصنف ابن ابي شيبه/ كتاب الأدب/حدیث: 27779]

حمید بن عبدالرحمن فرماتے ہیں کہ مجھے خواہش نہیں ہے کہ کلام کے ہیر پھیر میں سے میرے حصہ کے بدلے میرے لیے میرے مال اور میرے اہل کے مثل ہو۔ شاید تمہارا خیال ہے کہ میں پسند نہیں کرتا کہ میرے لیے میرے اہل اور میرے مال کے مثل ہو اور میری خواہش ہے کہ میرے لیے میرے اہل اور میرے مال کے مثل ہو۔ [مصنف ابن ابي شيبه/ كتاب الأدب/حدیث: 27780]

حضرت علاء بن مسیب فرماتے ہیں کہ حضرت مسیب نے ارشاد فرمایا: کہ تم اپنے ساتھی کو یوں مت کہو۔ اے گدھے، اے کتے، اے خنزیر، پس وہ قیامت کے دن تمہیں یوں کہے گا۔ تمہارا میرے بارے میں کیا خیال ہے کیا مجھے کتا یا گدھا یا خنزیر پیدا کیا گیا تھا؟ [مصنف ابن ابي شيبه/ كتاب الأدب/حدیث: 27781]

حضرت مجاہد فرماتے ہیں کہ حضرت موسیٰ (علیہ السلام) نے اپنی قوم کے لیے پانی مانگا پھر ان سے کہا: اے گدھو! پیو اس پر اللہ رب العزت نے ان سے فرمایا: میرے بندوں کو گدھے کے نام سے مت پکارو۔ [مصنف ابن ابي شيبه/ كتاب الأدب/حدیث: 27782]

حضرت اعمش فرماتے ہیں کہ ابراہیم نے ارشاد فرمایا: کہ وہ حضرات کہا کرتے تھے کہ جب کوئی شخص کسی کو یوں کہتا ہے: اے گدھے، اے کتے، اے خنزیر، تو اللہ قیامت کے دن اسے یوں فرمائیں گے: کہ تمہارا میرے بارے میں کیا خیال ہے کہ میں نے اس کو کتا یا گدھا یا خنزیر پیدا کیا تھا؟ [مصنف ابن ابي شيبه/ كتاب الأدب/حدیث: 27783]