حضرت عیسیٰ بن مغیرہ فرماتے ہیں کہ امام شعبی نے اللہ رب العزت کے قول: اور اگر مقتول ایسی قوم میں سے ہو کہ تمہارے اور ان کے درمیان معاہدہ ہو۔ اس آیت کے بارے میں آپ نے ارشاد فرمایا: وہ معاہدہ کنندگان میں سے ہو اور مسلمان نہ ہو۔ [مصنف ابن ابي شيبه/كتاب الديات/حدیث: 29851]

حضرت ابو یحییٰ فرماتے ہیں کہ حضرت ابن عباس رضی اللہ عنہما نے آیت: { فَإِنْ کَانَ مِنْ قَوْمٍ عَدُوٍّ لَکُمْ وَہُوَ مُؤْمِنٌ فَتَحْرِیرُ رَقَبَۃٍ مُؤْمِنَۃٍ } کے بارے میں فرمایا: ایک آدمی نبی کریم صلی اللہ علیہ وآلہ وسلم کی خدمت میں آیا کرتا تھا، اس نے اسلام قبول کرلیا وہ اپنی قوم کی طرف لوٹ گیا۔ پس وہ اپنی قوم میں تھا اور اس کی قوم مشرک تھی کہ مسلمانوں نے کسی سریہ یا غزوہ میں غلطی سے اس کو قتل کردیا تو اس کو مارنے والے نے ایک غلام آزاد کردیا اور آیت: { وَإِنْ کَانَ مِنْ قَوْمٍ بَیْنَکُمْ وَبَیْنَہُمْ مِیثَاقٌ} کے بارے میں آپٖٖ نے فرمایا: وہ آدمی حلیف تھا اور اس کی قو م سے معاہدہ تھا ان کو دیت ادا کی گئی اور اس کو مارنے والے نے ایک غلام آزاد کیا۔ [مصنف ابن ابي شيبه/كتاب الديات/حدیث: 29852]

حضرت حکم فرماتے ہیں کہ حضرت عباس بن عبدالمطلب نے کسی آدمی کو طمانچہ مارا تو آپ صلی اللہ علیہ وآلہ وسلم نے اس آدمی کو حضرت عباس سے بدلہ دلوانے کا فیصلہ فرمایا تو اس نے ان کو معاف کردیا۔ [مصنف ابن ابي شيبه/كتاب الديات/حدیث: 29853]

حضرت ناجیہ ابو الحسن کے والد فرماتے ہیں کہ حضرت علی رضی اللہ عنہ نے ایسے آدمی کے بارے میں جس نے کسی آد می کو طمانچہ مار دیا تھا تو آپ نے طمانچہ کھانے والے سے فرمایا: تم اس سے بدلہ لے لو۔ [مصنف ابن ابي شيبه/كتاب الديات/حدیث: 29854]

حضرت طارق بن شھاب فرماتے ہیں کہ حضرت خالد بن ولید نے قبیلہ مراد کے ایک آدمی سے طمانچہ مارنے کی وجہ سے قصاص دلوایا جس کو اس کے بھتیجے نے طمانچہ مارا تھا۔ [مصنف ابن ابي شيبه/كتاب الديات/حدیث: 29855]

حضرت طارق فرماتے ہیں کہ حضرت خالد بن ولید نے طمانچہ کی وجہ سے قصاص لیا۔ [مصنف ابن ابي شيبه/كتاب الديات/حدیث: 29856]

حضرت ابو اسحاق فرماتے ہیں کہ حضرت شریح نے طمانچہ اور معمولی زخم کی صورت میں بھی قصاص لیا۔ [مصنف ابن ابي شيبه/كتاب الديات/حدیث: 29857]

حضرت ابو اسحاق فرماتے ہیں کہ حضرت شریح نے طمانچہ مارنے کی صورت میں قصاص لیا۔ [مصنف ابن ابي شيبه/كتاب الديات/حدیث: 29858]

حضرت عمرو فرماتے ہیں کہ حضرت عبداللہ بن زبیر نے طمانچہ کی صورت میں قصاص لیا۔ [مصنف ابن ابي شيبه/كتاب الديات/حدیث: 29859]

حضرت زرارہ بن نجی کے والد فرماتے ہیں کہ حضرت مغیرہ بن عبداللہ نے طمانچہ مارنے کی صورت میں قصاص لیا۔ [مصنف ابن ابي شيبه/كتاب الديات/حدیث: 29860]