حضرت طارق بن شھاب فرماتے ہیں کہ حضرت ابوبکر نے ایک دن کسی آدمی کو طمانچہ مار دیا، تو یوں کہا گیا؟ ہم نے ہرگز آج کی طرح کبھی نہیں دیکھا! انہوں نے اس کو روکا اور اسے طمانچہ ماردیا! اس پر حضرت ابوبکر نے فرمایا: بیشک یہ میرے پاس آیا تا کہ وہ مجھ سے سواری مانگے سو میں نے اسے سوار کردیا تو اس نے اس کو فروخت کردیا۔ پس میں نے قسم اٹھا لی ہے ہے کہ میں اس کو سواری نہیں دوں گا: اللہ کی قسم! میں اس کو سواری نہیں دوں گا تین مرتبہ یوں کہا: پھر آپ نے ان سے فرمایا: تم بدلہ لے لو، اس آدمی نے معاف کردیا۔ [مصنف ابن ابي شيبه/كتاب الديات/حدیث: 29861]

حضرت حسن بن صالح فرماتے ہیں کہ میں نے حضرت ابن ابی لیلی سے پوچھا: کیا آپ طمانچہ کا قصاص لیں گے؟ آپ نے فرمایا: جی ہاں، اور طمانچوں کی صورت میں بھی۔ [مصنف ابن ابي شيبه/كتاب الديات/حدیث: 29862]

حضرت شعبی فرماتے ہیں کہ حضرت مسروق نے طمانچہ مارنے سے قصاص لیا۔ [مصنف ابن ابي شيبه/كتاب الديات/حدیث: 29863]

حضرت مغیرہ فرماتے ہیں کہ حضرت ابراہیم نے فرمایا: ایک سپاہی نے کسی آدمی کا سر ڈھانکا اور سر پر کوڑا مارا تو حضرت شریح نے اس سے قصاص لیا۔ [مصنف ابن ابي شيبه/كتاب الديات/حدیث: 29864]

حضرت عبداللہ بن معقل فرماتے ہیں کہ میں حضرت علی رضی اللہ عنہ کے پاس بیٹھا ہوا تھا کہ ایک آدمی آپ کے پاس آیا اور اس نے آپ سے سرگوشی کی، تو حضرت علی رضی اللہ عنہ نے فرمایا: اے قنبر! لوگوں نے پکارا: اے قنبر! آپ نے فرمایا: اسے باہر لے جاؤ اور اسے کوڑے لگاؤ۔ پھر وہ کوڑے کھانے والا آیا اور کہنے لگا: اس نے مجھے تین کوڑے زیادہ مارے ہیں۔ حضرت علی رضی اللہ عنہ نے ان سے فرمایا: تم کیا کہتے ہو؟ انہوں نے کہا: اے امیر المؤمنین! اس نے سچ کہا۔ آپ نے فرمایا: کوڑا لو اور اسے تین کوڑے مارو۔ پھر آپ نے فرمایا: اے قنبر! جب تم کوڑے لگاؤ تو حدود سے تجاوز نہ کرو۔ [مصنف ابن ابي شيبه/كتاب الديات/حدیث: 29865]

حضرت شیبانی فرماتے ہیں کہ حضرت شعبی، حضرت حکم اور حضرت حماد نے یوں ارشاد فرمایا: جس کو کوڑا یا لاٹھی یا پتھر مارا گیا اور یہ مارنا جان کے قتل کرنے سے کم تھا تو یہ عمد شمار ہوگا اس کی دیت قصاص ہوگا۔ [مصنف ابن ابي شيبه/كتاب الديات/حدیث: 29866]

حضرت مغیرہ فرماتے ہیں کہ ابراہیم سے ایسے شخص کے بارے میں مروی ہے جس نے کسی آدمی سے عاریۃً گھوڑا لیا پس اس نے اسے تیز دوڑانے کے لیے ایڑ لگائی یہاں تک کہ وہ مرگیا آپ نے فرمایا: اس شخص پر کوئی ضمان نہیں اس لیے کہ آدمی اپنے گھوڑے کو ایڑ لگایا ہی کرتا ہے۔ [مصنف ابن ابي شيبه/كتاب الديات/حدیث: 29867]

حضرت جابر فرماتے ہیں کہ حضرت عامر سے ایسے شخص کے بارے میں مروی ہے جس نے ایک آدمی کو گھوڑا دیا تو اس نے اسے ماردیا آپ نے فرمایا: وہ شخص ضامن نہیں ہوگا مگر یہ کہ وہ غلام یا بچہ ہو۔ [مصنف ابن ابي شيبه/كتاب الديات/حدیث: 29868]

حضرت جابر فرماتے ہیں کہ حضرت عامر سے ایسے شخص کے بارے میں مروی ہے جس نے ایک آدمی کو قتل کیا تحقیق اس آدمی کے جسم کے آدھے حصہ میں سے روح نکل گئی۔ آپ نے فرمایا: اس شخص کو اس کا ضامن بنایا جائے گا۔ [مصنف ابن ابي شيبه/كتاب الديات/حدیث: 29869]

حضرت اشعث فرماتے ہیں کہ حضرت شعبی نے ارشاد فرمایا: جس شخص نے مسلمانوں کے راستہ میں اپنی سواری کو روک لیا یا کوئی چیز رکھ دی تو وہ شخص اپنی جنایت کا ضامن ہوگا۔ [مصنف ابن ابي شيبه/كتاب الديات/حدیث: 29870]