حضرت نافع رحمہ اللہ فرماتے ہیں کہ حضرت ابن عمر رضی اللہ عنہما بازار میں تھے ان کو حجر کی وفات کی اطلاع دی گئی تو اپنا احتباء کھولا اور کھڑے ہوگئے اور ان پر آہ وزاری (رونے) کا غلبہ ہوگیا۔ [مصنف ابن ابي شيبه/كتاب التاريخ/حدیث: 36184]

حضرت ابو عثمان فرماتے ہیں کہ میں حضرت عمر رضی اللہ عنہ کے پاس آیا ان کو نعمان بن مقرن کی وفات کی اطلاع دی، آپ نے اپنے سر پر ہاتھ رکھا اور رونا شروع کردیا۔ [مصنف ابن ابي شيبه/كتاب التاريخ/حدیث: 36185]

حضرت اعمش رحمہ اللہ فرماتے ہیں کہ ابراہیم رحمہ اللہ کا اڑتالیس سال کی عمر میں انتقال ہوا حضرت اعمش رحمہ اللہ فرماتے ہیں کہ حضرت سعید بن جبیر رحمہ اللہ کا چھپالیس سال کی عمر میں انتقال ہوا۔ [مصنف ابن ابي شيبه/كتاب التاريخ/حدیث: 36186]

حضرت ایاس بن معاویہ رحمہ اللہ فرماتے ہیں کہ میں حضرت سعید بن المسیب رحمہ اللہ کے پاس بیٹھا تھا انہوں نے مجھ سے پوچھا آپ کن لوگوں میں سے ہو؟ میں نے کہا مزینہ سے ہوں، فرمایا مجھے وہ دن یاد ہے جب حضرت عمر بن الخطاب رضی اللہ عنہ نے منبر پر حضرت نعمان رضی اللہ عنہ کے انتقال کی اطلاع دی۔ [مصنف ابن ابي شيبه/كتاب التاريخ/حدیث: 36187]

حضرت سالم فرماتے ہیں کہ جب حضرت سعد کا انتقال ہوا تو حضرت عائشہ رضی اللہ عنہا نے حکم فرمایا کہ ان کا جنازہ ان کے پاس سے لے کر جایا جائے حضرت عائشہ رضی اللہ عنہا نے ان کیلئے دعائے مغفرت فرمائی۔ [مصنف ابن ابي شيبه/كتاب التاريخ/حدیث: 36188]

حضرت ابو العالیہ نے فرمایا: میں نے تمہارے نبی صلی اللہ علیہ وسلم کی وفات کے بیس سال بعد قرآن پڑھا ہے۔ [مصنف ابن ابي شيبه/كتاب التاريخ/حدیث: 36189]

حضرت سعید بن المسیب رحمہ اللہ فرماتے ہیں کہ میری عمر اسی سال کی ہوگئی ہے اور مجھے سب سے زیادہ خوف عورتوں کے بارے میں ہے۔ [مصنف ابن ابي شيبه/كتاب التاريخ/حدیث: 36190]

حضرت ابو عثمان نے فرمایا: میری عمر ایک سو تیس سال جتنی ہوگئی ہے۔ [مصنف ابن ابي شيبه/كتاب التاريخ/حدیث: 36191]

حضرت ابو عثمان النھدی فرماتے ہیں کہ ہم لوگ زمانہ جاہلیت میں پتھروں کی پوجا کرتے تھے، ہم نے ایک منادی کی آواز سنی کہ اے قافلہ والو! تمہارا رب ہلاک ہوگیا، اپنے لیے کوئی رب تلاش کرو، ہم لوگ سواری پر سوار ہو کر نکلے، ہم اسی طرح تلاش کر رہے تھے کہ اچانک منادی کی آواز آئی ہم نے تمہارے رب کو یا اس جیسے کو پالیا ہے، راوی کہتے ہیں کہ ہم اس جگہ آئے تو وہ ایک پتھر تھا تو ہم نے اس پر اونٹ ذبح کئے۔ [مصنف ابن ابي شيبه/كتاب التاريخ/حدیث: 36192]

حضرت شبیل بن عوف رحمہ اللہ نے زمانہ جاہلیت کا دور پایا تھا [مصنف ابن ابي شيبه/كتاب التاريخ/حدیث: 36193]